Luke 8:3 - Syin Chin Bible

³ Herod ii zumsung ulian khat ahi Chuza ii zi Joanna; le Susanna le a dang numei tam mama, Jesus le a nungzuite hu natu in, amate neisun po a pia pawlkhat in kitholpui uh hi.

Luke 8:3 Iomraidhean Croise

1 Khangtaanghthu 29:14

“Ahitazong kei le ka mite in a tatakin bangma kong pia thei bua uh hi; banghang ziam cile na theampo nangma ii nong piakthong hi a, nangma aa tengma hong pia kik hi bek khu hi.

Isaiah 23:18

Ama ii sumvawtna pan a thalaw sumte Topa tungah ki aap tu hi. Ama in tua sumte kholcip thawthong ngawlin, Topa a bia mite in amate atu a kisamh an le puante leina in zangh tu hi.

Matthew 14:1

Tua hun laitakin Galilee ngamukpa Herod in Jesus thu za hi.

Matthew 14:3

Banghang ziam cile Herod in John a kimat natu thupia zo a, thong sungah khum hi. Hi bangin a vawt na sia Herod in a suapuipa Philip zi Herodias a teenpui hang ahi hi.

Matthew 14:6

Herod suani in a kikhawmte mai ah Herodias tanu laam hi. Herod lungkim mama a;

Matthew 2:11

Amate inn sungah tum a patangno le a nu Mary a mu uh ciang khupdin in bia uh hi. Amate in a ken uh a letsongte khamh, frankincense paaknamtui le myrrh thil namtuite sua in pia uh hi.

Matthew 20:8

“Nitak ciangin huan neipa in a tha lampuipa munah, ‘Naseamte va sam tavun a, a nitha uh pia ta'n, a khakbel a kicialte pan panin pia ta'n a, a kicial masate pia khak tan’ ci in sawl hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 26:11

Mihing a zawngte sia note taw hong om tawntung tu ahihang kei sia, note taw hong omkhawm tawntung ngawl tu khi hi.

Matthew 27:55

Galilee pan a zui, ama a hu numei tam mamate a khuala na ah ding in Jesus en uh hi.

Luke 24:10

Tua numeite Mary Magdalene, Joanna, le James ii nu Mary hi a; amate teng le a dang numeite in hi thu teng sawltakte tungah son uh hi.

John 12:6

Ama ii hi bang a paute sia a zawngte awlmaw takpi hi ngawl a, ngutapa khat ahihang ahi hi. Ama in sum ip keam a, sumte ama atu in a la ku tawntung pa ahi hi.

Sawltakte 13:1

Antioch khua pawlpi sungah, kamsaang pawlkhat le syate om hi: Barnabas, (Civompa kici) Simeon, (Cyrene pan) Lucius, (Ngamuk mangpa Herod taw a no ciang a khang khawm) Manaen le Saul ahi uh hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

Philippi te 4:22

Hi sungah a om Pathian mite theampo, a tuanin Kumpilianpa inn sungah a omte in hong paupui hi.

1 Timothy 5:10

tuaciangin ngamtat pha nei hi ci in a kisonte: a tate pha takin a khangtosakte, a inn ah zin pha takin a dote, Tapidaw puite tungah a kiniamkhiakte, a ngim nga mi a hute, na pha seam tu in a kipumpiakte a hi tu kisam lai hi.