Luke 8:25 - Syin Chin Bible

²⁵ Tua zawkciang nungzuite munah, “Na upna uh koisung om ziam,” ci hi. Ahihang amate in lamdang sa in lau uh a, khat le khat hi bangin kici uh hi. “Hisia pa akua ziam? Ama in vuipi suangval le tui kihualte tungah thu a piak ciangin tuate in, a thu ni uh hi!” ci uh hi.

Luke 8:25 Iomraidhean Croise

Paunakte 30:4

Akua in vantung thu heaknate a cingin nei ngei ziam? A kua in vui sia, a khut sungah man ngei ziam? Tua ahibuale tui sia puanbek taw tun ngei ziam? Tua ahibuale leitung ngamngite phut ngei ziam? Na he le, ama akua ziam? Ama ii tapa sia akua ziam?

Paunakte 8:29

tuipi tuite ama ii ciza sangin a saangzawin a khanto ngawl natu thu a piak lai, leitung tawdapte a phaa lai in tua munah kei ka om zo hi.

Matthew 14:31

Thakhatin Jesus in ama zamh in, “Upna no pa awng, banghangin muang la ni ziam?” ci hi.

Matthew 17:20

Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 6:30

Tuni in po a, zing ciang a bo tu meikhuk sung a kihal tu lopa — hi lopa a zeam sia Pathian hi. Ama in no hong zeam zaw tu ahi sia muang ngawl nu ziam? Na nei uh upna sia bangza in no ziam!

Matthew 8:10

Jesus in hi thu a zaak ciangin, lamdang sa in, a nungzuite munah, “A tatakin ka ci ciang Israel ngam sungah hi bang upna mu ngeingawl khi hi,” ci hi.

Matthew 8:26

Jesus in, “Banghangin tuaza liangin lau nu ziam? Na upna uh bangza in no ziam?” ci hi. Tua zawkciang ama dingto a, vuipi le tuihualte a thim natu in thupia a, tuasia ciangin thim dide hi.

Mark 4:35

Tua nitakin Jesus in a nungzuite munah, “Tuili langkhat ah pai tawng,” ci hi.

Luke 12:28

Tuni in hing a zing ciang a vul, a kihal lopate a zeam sia Pathian ahi hi. Ama in no sia puan taw hong khu seseam ngawl tu ziam? Na nei uh upna sia bangza in no ziam!

Luke 8:24

Nungzuite in Jesus kung pai in phong a, “Topa, Topa! Ei teng thi dektak zo hing!” ci uh hi. Jesus tho in vuipi le tuihualte thupia a, tuate thimin, dai dide hi.

Luke 8:26

Jesus le a nungzuite tui tungah paisuak uh hi. Galilee tuili ngal Gerasa ngamkhen theng uh hi.

John 11:40

Jesus in ama munah, “Na um le Pathian minthanna na mu tu hi ci in hong son hi ngawl khi ziam?” ci hi.