Luke 8:21 - Syin Chin Bible

²¹ Jesus in amate theampo munah “Ka nu le ka suapuipate sia Pathian thu za a, a zuite ahi hi,” ci hi.

Luke 8:21 Iomraidhean Croise

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 25:45

Kumpipa in, ‘Kei kong cina pan, hi lai ah mihing thupi ngawlbelte khat na hu nop ngawl uh ciang, keima hong hu nuam ngawl na hi uh hi.’

Matthew 28:10

Jesus in, “Lau heak vun; Pai tavun a, ka suapuite tungah, Galilee ah pai tu in sawl tavun, tua munah amate in kei hong mu tu hi,” ci hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Luke 8:20

Jesus munah khat in, “Na nu le na suapuipate inn pua ah ding a, nang taw kimu nuam hi,” ci hi.

John 13:17

Tu in thumaan he zo na hi uh kom, seam paih le uhte bangza in a lungdamte hi tu nu ziam!

John 20:17

“Hong len top heak in, banghang ziam cile Pa kungah paito ngawl lai khi hi. Ahihang ka suapuipate kungah pai in va son ta'n. Ka Pa le amate ii Pa, ka Pathian le amate ii Pathian kungah heak kik tu khi hi,” Jesus in ci hi.

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

2 Corinth te 6:18

Vaanglianbel Topa in, Keima in note ii Pa kong hi tu a, note sia ka tapate le ka tanute na hi tu uh hi, ci hi,” a ci hi.

James 1:22

Ama ii kammal ngaina bek taw noma le noma kitheam heak vun a; ngamtatna taw zui paih zaw vun.

1 John 2:29

Christ sia thumaan thutang hi ci in na he uh hi; tua ahikom na heak tu uh thu sia a maanin a seam peuma Pathian ta hi ci thu ahi hi.

3 John 1:11

Ka it ka lawmpa awng, a pha ngawlte zui heak vun a, a phate zui tavun. Thupha vawt peuma Pathian neisa hi a; thusia vawt peuma in Pathian a mu bua hi.