Luke 8:12 - Syin Chin Bible

¹² Lamzin tungah a tu thaiciite sia a thu a zate hi; ahihang Doaimangpa hong pai a, ngupna a nga ngawl natu le a up ngawl natu in, a thinsung uh pan tua Pathian thu sia laaksak hi.

Luke 8:12 Iomraidhean Croise

Paunakte 1:29

Heakna bangma hunin na thusim ngei bua a Topa thu nit tu zongh na nial tawntung hi.

Paunakte 4:5

Ciimna le thuthuk mu theina kan in! Kong cite sia mangil heak in a, awlmawk ngawlin om heak in.

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Matthew 13:19

Kumpingam thu huvau thu kisonte za napi a tel ngawlte sia lampi tungah a taak thaiciite taw kibang hi. Ngilopa hong pai a amate ii sungah a kituu thute laaksak hi.

Matthew 13:4

Lo sungah thaiciite a poai ciangin, thaicii pawlkhat sia lamzin tungah taakin, vacimte pai a, ne siat uh hi.

Mark 4:15

Mihing pawlkhatte lamdung ah a taak thaiciite taw kibang hi, a thu a zaak po ciangin, Satan hong pai in laaksak hi.

Luke 8:11

“Thusonteena ii khiakna in hi bang ahi hi: thaicii sia Pathian kammal ahi hi.

Luke 8:13

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

Luke 8:5

“Khatvei lai in, pasal khat in thaicii poai tu in kuan hi. Lo sungah thaicii a poai ciangin, thaicii pawlkhat lamzin tungah taak a, tua munah kisiikcip in vacimte in tawm khawng uh hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.