Luke 7:8 - Syin Chin Bible

⁸ Keima zongh thunei uliante khutnuai ah naseam khat ka hi a, keima ii khutnuai zongh ah ngalkapte om hi. Khat ii munah, ‘Pai in!’ ka cile, pai a; ‘Hong pai ta'n!’ ka cile, hong pai hi. Ka sila pa munah, ‘Hisia vawt in!’ ka ci ciang zong, ama in vawt hi,” ci hi.

Luke 7:8 Iomraidhean Croise

Luke 7:7

nang kungah kei kong pai tu hang zong kilawm kisa ngawl khi hi. Thupia po lete, ka naseampa dam tu hi.

Luke 7:9

Jesus in hi thu teng a zaak ciangin, lamdang sa hi; a nung pan a zui mihingte sangah kingeilee in, “Hi bang upna Israel mite sung ngawngawn zongh ah ka mu ngei bua hi!” ci hi.

Sawltakte 23:17

Tuaciang Paul in ngalkap bute khat sam a, “Ngalkap hon ukpa kungah hi tangvalpa paipui ta'n; ngalkap hon ukpa munah son tu thu khat ama in nei hi,” ci hi.

Sawltakte 23:23

Tua zawkciangin, ngalkap hon ukpa in, ngalkapbu nii sam a, “Tu nitak nai kua in ngalkapte zanii Caesarea ah pai tu in, kithoaisak vun a, tuate taw a kop tu in, siphu ngalkap sawmsali le tei toai zanii taw a ding tu in kithoaisak vun,

Sawltakte 23:26

“Claudius Lysias in a zatak huai ngamuk mangpa Felix kong paupui hi.

Sawltakte 23:31

Ngalkapte in thupiaknate seam suak uh hi. Amate in, Paul la a, tua nitakin, Antipatris dong paipui uh hi.

Sawltakte 24:23

Ama in Paul a keam ngalkap bupa munah, Paul sia a kepcing natu thupia ahihang, ama suatakna pawlkhat le a kitaangsapte a lawmte in a piak thei natu thupia hi.

Sawltakte 25:26

Ahihang Kumpilianpa tungah ama thu huvau a kician lai at tu bangma ka nei bua hi. Tua ahikom noma mai hi sungah kong paipui hi — a tuanin Kumpipa Agrippa mai ah kong paipui hi! tua hile a thu a kikat zawkciangin, thu pawlkhat ka at tu om thei tu hi.

Colossae te 3:22

Silate awng, thu theampo ah na tote thu ni vun, pha hong sak tu deina taw amate hong etcik laitak bek hi ngawlin, Topa na thasia uh hu in, thin tak taw a thu ni vun.