Luke 7:7 - Syin Chin Bible

⁷ nang kungah kei kong pai tu hang zong kilawm kisa ngawl khi hi. Thupia po lete, ka naseampa dam tu hi.

Luke 7:7 Iomraidhean Croise

Psalm Late 107:20

Ama in a thupiakna taw amate damsak a, thaankuul panin hun hi.

Psalm Late 33:9

Ama a pau ciangin leitung kibitphua a, ama thupiakna taw na theampo piang hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Mark 1:27

Mihingte theampo in lamdang mama sa uh a, “Bangbang thu hi thong ziam? Tu a sia kihilna thak khat ahi ziam? Hisia pa in doaite tungah thunei a, thu a piak ciangin doai in a thu ni hi!” ci in khat le khat kikum uh hi.

Luke 4:36

Mihing theampo in lamdang sa uh a, khat le khat hi bangin kici uh hi. “Tu a kammalte bangbang kammal ziam? Thuneina le vaangletna taw hisia pa in, thaa ngilote thupia a, tuaciang amate pusuak hi!” ci uh hi.

Luke 5:13

Jesus in a khut vaan a, ama tham in, “Hong thiangthosak nuam khi hi. Thiangtho ta'n!” ci hi. A natna teng thakhatin dam hi.

Luke 7:6

Tua ahikom Jesus sia ama a samte taw paikhawm hi. A inn nai hong thet uh ciangin, ngalkap hon ukpa in a lawmte paikholsak a, hi bangin Jesus tungah cisak hi, “Topa awng, ngim nga thong tu ni hi. Kei inn sungah nang nong pai tu sia ka kiphu bua hi,

Luke 7:8

Keima zongh thunei uliante khutnuai ah naseam khat ka hi a, keima ii khutnuai zongh ah ngalkapte om hi. Khat ii munah, ‘Pai in!’ ka cile, pai a; ‘Hong pai ta'n!’ ka cile, hong pai hi. Ka sila pa munah, ‘Hisia vawt in!’ ka ci ciang zong, ama in vawt hi,” ci hi.

Thuhil kikna 32:39

“ ‘Keima, keima bekma Pathian ka hi hi; pathian tatak a dang om ngawl hi. Ka thatlum a, nuntakna ka pia hi, ka liamsak a, ka damsak hi, ka nasepte kuama in hong nalh thei ngawl tu hi.

1 Samuel 2:6

Topa in thatlum a, tuaciang nungtasak kik hi; ama in mihingte sia mithi khua ah puak hi, tuaciangin heakpui kik hi.