Luke 7:6 - Syin Chin Bible

⁶ Tua ahikom Jesus sia ama a samte taw paikhawm hi. A inn nai hong thet uh ciangin, ngalkap hon ukpa in a lawmte paikholsak a, hi bangin Jesus tungah cisak hi, “Topa awng, ngim nga thong tu ni hi. Kei inn sungah nang nong pai tu sia ka kiphu bua hi,

Luke 7:6 Iomraidhean Croise

Pianciilna 32:10

Na naseampa keima sia nong laksa na cikna le na thumaanna taw ka kilawm bua hi. Bangma dang nei ngawlin, ciangkhut khat bek ma taw Jordan ngun ka kaantan a, tuni in hi pawl niite taw in ka cia kik zo hi.

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Mark 5:24

Tuaciang Jesus in ama taw paikhawm hi. Mihing tam mama Jesus taw tonkhawm ahikom a kiim theampo pan kiphulung uh hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Luke 7:4

Amate in Jesus kung a thet ciangin, “Hisia pa hu lete kilawm mama ka sa uh hi.

Luke 7:5

Ama in ih mite hong it a, synagogue khat zongh ko atu in hong saksak hi,” ci in nasia takin thuumsak uh hi.

Luke 7:7

nang kungah kei kong pai tu hang zong kilawm kisa ngawl khi hi. Thupia po lete, ka naseampa dam tu hi.

Luke 8:49

Jesus in hi bang teng a pau laitakin, ulianpa inn pan kamtai khat hong pai a, Jairus munah, “Na tanu thi zo hi. Topa ngim pia nawn heak in,” ci hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

James 4:10

Topa mai ah noma le noma kiniamkhiak tavun, tua hile ama in hong laamto tu hi.

James 4:6

Ahihang Pathian hong piak thuthiamna sia khohzaw kan lai hi. Laithiangtho in “Pathian in a kiphasakte nalh a, ahihang a kiniamkhiakte thuthiamna pia hi,” a ci bangma hi.