Luke 7:47 - Syin Chin Bible

⁴⁷ Kei kong ci in a, ama ii, itna lianpi hong lakna sia in, ama mawna tam mamate kimaisak zo hi, ci na thu kiciansak hi. Tua hi a, tawm bek a kimaisakte in itna tawm bek lak tu hi,” ci hi.

Luke 7:47 Iomraidhean Croise

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Isaiah 55:7

Mi seksolte in amate ii nuntakna zia nusia tahen a, a ngaisutna zia kheal tahen. Topa ih Pathian kungah amate in zuan tahen; Topa in hong hesuak thei a, mawna hong maisak papai hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Micah 7:19

Nangma in kote khatvei ma nong hesuak kik tu hi. Kote ii mawna khialnate na peang nuai ah na siikcip tu a, tuipi taw ah na khiasuk tu hi!

Matthew 10:37

“Kei sangin a nu a pa a itzaw sia kei nungzui tu in kiphu ngawl hi; kei sangin a tapa ahibuale a tanu a it zaw te kei nungzui tu in kiphu ngawl hi;

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Luke 7:46

Ka lu ah ka thii tu olive thau nong pia bua hi, ahihang hisia nu in paaknamtui taw ka peangte hong noisak hi.

Luke 7:48

Tua zawkciang Jesus in numei nu munah “Na mawnate kimaisak zo hi,” ci hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Romete 5:20

Mawna ngamtatna a khanto vaial natu in thukham kipia hi, ahihang mawna a khantona munah, Pathian ii thuthiamna khangto seseam hi.

2 Corinth te 5:14

Christ hong itna in kote hong uk hi, tu in ahile mihing khat in mihing theampo atu thi hi ci in ka tel uh hi, tua in amate theampo sia ama thina sungah thi khawm hi a cinopna ahi hi.

Galatia te 5:6

Banghang ziam cile Christ Jesus taw pumkhatin ka om uh ciang vunteap atna ahizong, at ngawlna ahizong bangma kitumdanna a omsak bua hi; a thupi sia in ki itna tungtawn a, na a seam upna ahi hi.

Ephesus te 6:24

A thi ngei ngawl itna taw ih Topa Jesus Christ a it te theampo tungah Pathian ii thuthiamna hong om tahen.

Philippi te 1:9

Ki itna na khantosak seseam natu, heakna maan le thukhenna maan na nei khop thei natu,

1 Timothy 1:14

Tuaciangin ih Topa in a thuthiamna a kicing takin hong buak a, Jesus Christ taw pumkhat hina sungah eite neisa ahi upna le ki itna kei tungah hong pia hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 3:18

Ka tate awng, ih ki itna sia kam le muk bek ih hisak buatu hi; ngamtatna taw a kilangh ki itna takpi ahi kul hi.

1 John 4:19

Pathian in ei hong it masa ahikom eite in ama ih it hi.

1 John 5:3

Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi,