Luke 7:46 - Syin Chin Bible

⁴⁶ Ka lu ah ka thii tu olive thau nong pia bua hi, ahihang hisia nu in paaknamtui taw ka peangte hong noisak hi.

Luke 7:46 Iomraidhean Croise

2 Samuel 12:20

Suat tung pan David thoto a, kibualin, a sam pot a, a puan laih hi. Tua zawkciang ama Topa ii inn sungah pai in biakna vawt hi. Kumpi inn ah a heak kik ciangin an ngen a, a kilui po ciangin ne paih hi.

2 Samuel 14:2

tua ahikom ama in nupi pilvang khat Tekoa ah a teang sia samsak hi. Ama hong thet ciang Joab in ama munah, “Kikhuangaisak in; na khuangai puante silh in a, na sam pot heak in. Khuangei mama khuangai in a omsa nupi khat bangin kithoai in.

Psalm Late 104:15

a lungdam natu in sapittui, a maitai natu in olive thau, a thahat natu in anluumte piangsak hi.

Psalm Late 23:5

Ka ngalte mu tangin an neakna poai nong vawtsak hi. Leangna pipa bangin nong muak a, ka lu sathau nong thiisak hi; ka hai a dim letin nong buh hi.

Thuhilsya 9:8

A tawntung lungdam in, maitai in.

Daniel 10:3

Nipi thum a cin mateng in keima in anlim ahizong sa ahizong sapittui ahizong ka ne bua a, ka sam zongh ka pot bua hi.

Amos 6:6

Sapittui khawbeam dimin taalin, paaknamtui phabelte zangh nu hi, ahihang Israel zaancipna tungtaang ah na mau bua uh hi.

Micah 6:15

Lo an na ciing tu uh a, ahihang an na la buatu uh hi. Olive ngate sathau suak tu in na ngoai tu uh a, ahihang na zangh ngei buatu uh hi. Sapittui na vawt tu uh a, ahihang na ne ngei buatu uh hi.

Matthew 6:17

An na tan uh ciang, na mai uh phiatin na sam uh pot vun,

Luke 7:47

Kei kong ci in a, ama ii, itna lianpi hong lakna sia in, ama mawna tam mamate kimaisak zo hi, ci na thu kiciansak hi. Tua hi a, tawm bek a kimaisakte in itna tawm bek lak tu hi,” ci hi.

Ruth 3:3

Tua ahikom kibualin a, paaknamtui tawm kinoai in, tuaciang na puan phabel teng silh in. Tua zawkciang ama taang cilna ah va pai ta'n a, ahizong a neak a dawn zawk mateng tua munah na om hunlam hesak heak in.