Luke 7:42 - Syin Chin Bible

⁴² A nii ma in, lo kik zo ngawl ahikom, ama in amate ngeal ii leibatte maisak hi. Tua ahile, a koisia zaw in ama a it zaw tu ziam?” ci hi.

Luke 7:42 Iomraidhean Croise

2 Samuel 14:13

Nupi nu in ama munah, “Banghangin Pathian mite tungah tuabang khialna vawt ni ziam? Nangma zongh na tapa sia lei dangah a peamna pan cia kiksak ngawl ni hi, tua ahikom tu mahiat a na pau teng taw nangma le nangma mawpu kisua ni hi.

Psalm Late 103:3

Ka mawna theampo ama in hong maisak a, ka natna theampo hong damsak hi.

Isaiah 43:25

Ahitazong, na mawna hong maisak sia Pathian keima hi a, keima ka hikom hi bangin ka vawt hi. Na khialnate lenin maw kong suan buatu hi.

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Matthew 18:27

Kumpipa zongh in ama sia khuangaihuai sa in, a leiba teng maisakin ciasak hi.

Matthew 18:34

Kumpipa thin uuk mama a, naseampa in ama tungah a bat theampo a lo siat dong thongtaak tu in puak hi,” ci hi.

Matthew 6:12

Ko tungah hong khialte ka maisak uh bangma, Kote khialna zongh hong maisak ta in.

Luke 7:43

“Ka upmawk in, a tamzaw a kimaisak sia in it zaw tu hi,” Simon in ci in zo hi. “Na ci bang maan hi,” Jesus in ci hi.

Romete 3:24

Ahihang amate a suaktasak Jesus Christ tungtawnin, Pathian ii man piak ngawlin hong piak thuthiamna letsong taw amate thutang kisuaksak hi.

Romete 5:6

Banghang ziam cile cimaw a ih om laitakin Pathian ii a teal hun ciangin Christ sia mi ngilote atu in hong thi hi.

Galatia te 3:10

Thukham zuina a suangte sia haamsiatna nuai ah nungta hi. Banghang ziam cile laithiangtho in, “A kuama po Thukham laibu sungah a ki at teng a vekpi in a zui tawntung ngawlte sia Pathian ii haamsiatna nuai ah om hi!” ci hi.

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Ephesus te 4:32

Khat le khat tungah kithuthiam zaw vun a, thinneam tavun, Christ tungtawnin Pathian ii note mawna hong maisak bangma in, note zongh khat le khat mawna kimaisak tavun.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.