Luke 7:40 - Syin Chin Bible

⁴⁰ Jesus in, “Simon awng, kong son tu thu khat om hi,” ci hi. “Hi hi, syapa awng, hong son ta'n” ci hi.

Luke 7:40 Iomraidhean Croise

1 Kumpite 2:14

tuaciang, “Kong nget nop khat om hi,” ci lai hi. Ama in, “Tua sia bang ziam?” ci in dongh hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Matthew 26:49

Judas in Jesus kungah tangtan in pai a, “Thupha nga ta'n, Syapa,” ci in namh hi.

Matthew 7:22

Thukhenna Ni hong thet ciang, mihing tam mama te in, ‘Topa, Topa! Na min taw Pathian thuhil in, na min taw doaite tam mama notkeak in, nalamdang tam mama vawt hi ngawl khu ziam?’ ci tu uh hi.

Luke 18:18

Jew te lampui khat in, “Sya pha awng, tawntung nuntakna ka nga natu in bang ka vawt tu ziam,” ci in dongh hi.

Luke 5:22

Jesus in amate ii ngaisutna teng he ahikom hi bangin ci hi. “Banghangin tuabangin ngaisun nu ziam?

Luke 5:31

Jesus in, “Mihing ciidamte in syavuan a kitaangsamh bua hi, ciinate bek in kitaangsamh uh hi.

Luke 6:8

Ahihang Jesus in amate thinsung he siat ahikom pasalpa tungah “Ding in a, hi sung mai sangah hong pai ta'n,” ci hi. Pasalpa tho a, dingto hi.

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Luke 7:41

Jesus in, “Sum pukthaak khat pa tungah leiba mihing nii om hi. Khat in dangkatang za nga ama tungah ba a, a khat sia in sawmnga ba hi.

John 13:13

“Sya awng, Topa awng, hong ci nu hi, tuabang nong ci uh sia maan hi, banghang ziam cile keima tuasia ka hi hi.

John 16:19

Jesus in ama thu dongh nuam ahi sia tel ahikom amate tungah, “ ‘Tawmvei sungin nong mu buatu uh a, tuaciang tawmvei zawkciangin nong mu tu uh hi,’ hong ci khi hi. Noma sung a na kidok thu in tu sia ahi ziam?

John 16:30

Na theampo na heak sia tu in kong he uh hi; kuama ii thu hong dok tu na kulsak bua hi. Hi thu in Pathian kung pan nong paina hong umsak hi,” ci uh hi.

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.