Luke 7:39 - Syin Chin Bible

³⁹ Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Luke 7:39 Iomraidhean Croise

2 Kumpite 5:20

Elisha naseampa Gehazi in, ama le ama hi bangin, “Ka topa in Naaman sia bangma piasak ngawlin paithongsak hi. Tua Syria pa ii piak teng sia a saan tatak tu ahi hi. A nungta Topa min taw ama nung pan del in, na khat pawpo ama tung pan nga tong,” kici hi.

Paunakte 23:7

“Tawm beak ne lai in” hong ci kale hong ci takpi hi ngawl thei hi. Ama ii ngaisutna sia ama tatak ma ahi hi.

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Matthew 20:16

Jesus in a thukhupna ah, “Tua ahiciang a khakte masa tu a, a masate khak tu hi,” ci hi.

Matthew 21:11

“Hisia pa sia Galilee ngam Nazareth pan kamsaangpa Jesus hi,” ci in mihonte in zo uh hi.

Mark 7:21

Banghang ziam cile mihing khat ii a sung, a thinsung panin ngaisutna pha ngawl piang a, tuate in paktatna, kisutolna, kithalupna,

Luke 12:17

Ama le ama hi bangin ngaisun hi, ‘Ka an theampo ka koi natu ansaal nei ngawl khi hi. Bang law tu khi ziam?’

Luke 15:2

tuasia ciangin Phariseete le Thukham hil syate phun lialua uh hi, “Hisia pa in ngual ii puavawkte taw in an ngawngawn zongh nekhawm hi!” ci uh hi.

Luke 16:3

Naseampa in hi bangin ngaisun hi, ‘Ka topa in ka nasep pan hong tawpsak tu hi. Bang law tu khi ziam? Leidum to tu in tha ka nei bua a, khutdaw nget tu le ka maizum hi.

Luke 18:4

Khuangei hialma thukhenmangpa in bangma hisak nuam ngawl ahihang, a khakbel ciangin hi bangin ngaisun hi, ‘Pathian le kiita ngawlin mihingte zongh zakta ngawl ka hi hang,

Luke 3:8

Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!

Luke 7:16

Amate theampo lau in, Pathian pok uh hi. “A lian mama kamsaangpa khat ei sungah piang zo hi! Pathian in a mite ngum tu in hong pai zo hi!” ci uh hi.

Luke 7:37

Tua khuapi sungah mawneinu khat teang hi. Jesus sia Pharisee pa inn ah an ne hi, ci in a zaak ciangin sathau namtui suangngo thawl khat dim hong paipui a,

Luke 7:38

Jesus ii nungsang a peang hui ah dingin, kap in a thitui taw Jesus ii peang kawtsak hi. Tua zawkciang a sam taw Jesus peangte nawlin, a peangte namh a, tuate tungah paaknamtui buak hi.

Luke 7:40

Jesus in, “Simon awng, kong son tu thu khat om hi,” ci hi. “Hi hi, syapa awng, hong son ta'n” ci hi.

John 4:19

Tua numei in, “Syapa, nang sia kamsaang khat na hi hunlam kong he hi.

John 7:12

Mihon sungah ama huvau kihuau tek uh hi. Pawlkhat in “Ama mihing pha khat hi,” ci hi. A dangte in “Hi ngawl hi, ama in mihingte lamlak khial hi,” ci uh hi.

John 9:24

Mittaw sa a suakpa sia, a nii veina sam kik uh a, ama tungah, “Thumaan ka son tu hi, ci in Pathian mai ah kiciam in! Nang hong damsak pa sia, mimaw khat hi ci in he khu hi,” ci uh hi.