Luke 7:25 - Syin Chin Bible

²⁵ Bang en tu in pusuak nu ziam? Puan hoi nawno silh pasal khat ziam? Tuabang a kizeam a, a nuamin a nungtate sia kumpi teenna innte bek ah om hi!

Luke 7:25 Iomraidhean Croise

2 Samuel 19:35

Kei kum sawmliat pha zo a, bangma in nopsak hong pia nawn ngawl hi. Ka neak ka dawnte ii limna le he nawn ngawl, lasa te ii aw le za thei nawn ngawl khi hi. Kumpipa nang atu vanh ngitpi khat suak bek tu khi hi.

1 Kumpite 10:5

Kumpinu in kumpipa sabuai ah a kilui ante, a uliante ii teenna innte, kumpi inn sung naseamte ii nasep hawm zia le a puansilhte, poaipi khaam ciang a sabuai ngak naseamte le Biakinnpi sungah a sangaw biakpiaknate mu hi. Ama in husamh liangin lamdang sa hi.

2 Kumpite 1:8

“Ama in nganhing phaw taw a kivawt puantual khat silh a, tuaciang savun kawngkhau taw sawm hi,” ci in amate in zo hi. “Ama Elijah hi!” kumpi pa in ci hi.

Esther 1:11

Kumpipa in amate tungah Vashti kumpinu a kumpilukhu khu in ama kungah a paipui natu in thupia hi. Kumpinu sia numei mealpha khat hi a, kumpipa in uliante le a leangnate theampo tungah kumpinu mealhoina lak nuam hi.

Esther 1:3

Kumpi a sep a kum thum kumin a uliante theampo le zum ukte atu in anneakpoai khat vawt hi. Tualai ah, Persia le Media ngalkaphonpite, ngamuk mangte le kumpi uliante om hi.

Esther 4:2

khuapi kaantan a, kumpi inn kongbiang a thet dong pai hi. A sungah ama tum ngawl hi, banghang ziam cile khau-ip puan silhte a sungah kuama kitumsak ngawl hi.

Esther 5:1

A antan ni thum ni ciang Esther in a kumpinu puantual silh a, kumpi inn suum sungnung ah pai in, kumpi tokhum omna inndoi sang maingat in ding hi. Kumpipa sia a sungsang tokhum tungah to in kongbiang maingat hi.

Esther 8:15

Mordecai sia vancii le a kaang ngelh kumpi puantual le a sa pha puanneal sandup te silh in, a etlawm mama khamh lukhu khu in kumpi inn pan pusuak hi. Tuasia ciang Susa khuapi lamdung teng ah patoaina aw te le lungdam in aunate hong nging hi.

Isaiah 59:17

Ama in thukhaikimna sia ngaldalna thik laktong puasilh bangin silh tu a, ngupna vaangletna sia thik lukhu bangin khu tu hi. Ngimna a thuak mite luangin phulaakna le daan piakna, a pha ngawlte a pha vawt nopna thinsung sia, puan bangin silh tu hi.

Matthew 11:8

A bangbel mu nuamin kuan nu ziam? Puansilh hoi nawno a silh pasal khat mu nuam na hi uh ziam? Mihing tuabang a, a kizeamte kumpite teenna innpite huang sungah teang bek hi!

Matthew 3:4

John ii puansilh sia kalaoh mul taw kitak a, ama in savun kawngkhau thua in, ama an sia khaumaw le ngam khuaitui ahi hi.

Matthew 6:29

Ahihang a maan tatakin kong ci ciangin, Solomon Kumpipa in, a hau mama hang, hi paakte za in a hoi puan nei ngawl hi.

Luke 16:19

“Khatvei lai in sumhau khat om a puansilh manham tatakte silh in, ni simin nuamsa mama in nungta hi.

Luke 7:24

John ii kamtaite in a nusiat zawk uh ciang, Jesus in John ii thu, mihonte tungah son tu in kipan hi: “John ii thuhilna ngai tu in, sennealngam sungah na pai uh ciangin, bang mu tu in na kimuangmaw uh ziam? Vui ii khulup lopate ziam? A bangbel en tu in pai nu ziam?

Luke 7:26

Hong son tavun, bang en tu in pusuak nu ziam? Kamsaangpa khat ahi ziam? Hi hi, ahizong no ii mu sia kamsaang khat sangin lianzaw pek hi.