Luke 7:22 - Syin Chin Bible

²² Ama in John ii kamtaite tungah, “John kungah heak kik tavun a, na mu uh na zaak uh teng son tavun: mittawte in khuamu a, peangbaite pha tak lampai thei a, a lauhuai vun natna veite kidamsak a, nangongte in khuaza a, mithite kitho kiksak a, a zawngte tungah Lungdamna Thupha kihil hi.

Luke 7:22 Iomraidhean Croise

Job 29:15

Mittawte atu in mittangte ka hi a, peangbaite atu in peangte ka hi hi.

Psalm Late 146:8

mittawte khua musak hi. Ama in a puk sate phongto hi; a thutang ama mite it hi.

Isaiah 42:16

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Isaiah 43:8

Pathian in, “Ka mite zum ah sam vun. Amate in mittang nei hi napi, a mit uh taw hi; amate in bil nei hi napi, a nangong uh hi!

Jeremiah 31:8

Keima in amate saksang pan ka paipui tu a, leimong pan ka kaikhawm tu hi. Mittaw peangbaite, numei naupaaite le nausuak dektakte zongh amate taw hong pai tu uh hi, Amate sia minam lian khatin hong cia kik tu uh hi.

Zephaniah 3:12

A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 21:14

Mittaw le peangbai te Biakinn sung ama kungah hong pai uh a, amate damsak hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

Luke 7:21

Tua hun laitak mama in Jesus in, mihing tam mama te ii a natnate uh pan le, thaa ngilo veina uh panin damsak a, mittawte tam ma khua musak hi.

Luke 7:23

Kei hong muangla ngawlte bangza in a lungdamte ahi uh ziam!” ci in zo kik hi.

John 1:46

“Nazareth panin na pha khat pawpo piang thei thong tu ziam,” ci in Nathanael in dongh hi. “Hong pai in hong en ta'n,” ci in Philip in zo hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Sawltakte 8:7

Mihing tam mamate sung pan doai ngilote sia a nging in au a, pusuak hi; pumzawte, peangbaite tam mama dam uh hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.