Luke 7:19 - Syin Chin Bible

¹⁹ ama in mihing niite Topa tungah hi bangin thu dongh tu in paisak hi. “Nang sia John ii hong pai tu hi a cisia ma na hi ziam? tua ahibuale ngualdang ka na lam en lai tu uh ziam?”

Luke 7:19 Iomraidhean Croise

Pianciilna 22:18

Nangma suan le paalte tungah thupha ka piak bangin minam theampo in thupha ka piak tu hong ngen tu uh hi — tu teng sia nangma in ka thupiak na nit hang ahi hi,” ci hi.

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Isaiah 11:1

David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Mark 6:7

Ama in nungzui sawm le niite samin, nii veu nii veu paikhawm tu in sawl hi. Doai ngilote tungah thuneina amate tungah pia a,

Luke 10:1

Hisia zawkciang Topa in, a dang sawmsali le nii teal a, nii veu kop in, ama mama ii pai natu khua le munte ah paikholsak hi.

Luke 11:1

Ni khat ni in Jesus in mun khat ah thungen hi. A man ciangin a nungzuite khat in, “Topa awng, John ii a nungzuite a hil bangin, ko zongh thunget natu hong hil ta'n,” ci hi.

Luke 11:39

Tua ahikom Topa in ama tungah, “Tu in no Phariseete na kuang na hai uh a puasang panin na thiangsak uh hi. Ahihang na sungsang uh ah ngitlona le ngoltolna taw na kidim uh hi.

Luke 12:42

Topa in, “Tua ahile thumaan a, a ciim naseampa akua ziam? Tua pa in a inn a uk tu le, naseam dangte a hun ciang an pia tu in a topa ii sawlpa ahi hi.

Luke 13:15

Topa in zo a, “No mihing a kihitheamsakte awng! No sungah khat pawpo in, Sabbath ni in na khuital ahizong, na laa uh ahizong, tui pia tu in, a buk sung panin, pusua hi ngawl nu ziam?

Luke 17:5

Sawltakte in Topa tungah, “Ka upna uh hong khangsak ta'n,” ci uh hi.

Luke 17:6

Topa in zo kik a, “Ankamhtang cia upna nei le uhte hi naailung kung munah, ‘Nangma le nangma kibot in tuipi sungah kiphut in!’ ci le uhte zong na thu uh hong ni tu hi.

Luke 18:6

“Thumaan ngawl thukhenmangpa ii kammalte ngai vun.

Luke 19:8

Zacchaeus ding a, Topa tungah hi bangin ci hi. “En in, Topa awng! Ka neisa a lang mizawngte ka pia tu hi; tuaciangin khat po ka theam ngei le a zaa li in ka lo kik tu hi,” ci hi.

Luke 22:61

Topa hong ngeilee a, Peter a tangtan in en hi, tuaciang Peter in Topa ii ama tungah a sonsa sia phawk hi. “Tu zan ak khuan ma in, nang kong he bua hi, thum veina ci tu hi,” ci a, a sonsa sia phawk hi.

Luke 24:34

hi bangin ci uh hi. “Topa tho takpi zo hi! Simon tungah kilak hi!”

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Luke 7:20

Amate in Jesus kung hong thet uh ciangin, “Nang sia hong pai tu pa tatak na hi na ziam? Tua ahibuale mihing dangkhat ka lam en lai tu uh ziam? ci in Tuiphumpa John in nangma kungah dongh tu in ko hong paisak hi,” ci hi.

John 11:2

(Hi Mary sia Topa ii peang tungah sathau namtui buak a, a sam taw a nawlsak sia nu ahi hi. A cina Lazarus sia ama ii suapuipa ahi hi.)

John 4:1

Jesus in John sangin, nungzui tamzaw nga a, tuiphum hi ci thu Phariseete in za uh hi.

John 4:25

Tua numei in, “Messiah hong pai tu a, ama hong pai ciangin, thu theampo hong son tu hi, ci in ka he hi,” ci hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

Joshua 2:1

Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi.

Thupualaakna 11:3

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.