Luke 7:14 - Syin Chin Bible

¹⁴ Tuasia ciangin Jesus in mithi luang kung zuanin tham a, a kuang puate in din uh hi, Jesus in, “Tangval awng! Tho in kong ci hi!” ci hi.

Luke 7:14 Iomraidhean Croise

1 Kumpite 17:21

Tua zawkciang Elijah in patang sia tungah thumvei bokin kizalh a, “Oh, Topa ka Pathian awng, hi patang a nuntakna pia kik in!” ci in thungen hi.

1 Kumpite 17:22

Topa in Elijah ii thungetna zo a; patang sia a hu hong sang kikin hong nungta kik hi.

Job 14:12

mihingte thi in, a tho kik ngei buatu hi. Vanpi a kip laiteng amate khanglo ngeingawl tu hi; amate a mutna pan tung nawn ngawl tu hi.

Job 14:14

Mihingte thi le amate nungta kik thei ziam? Ahihang hi ngim ngana hunte a bo dong hun phazawte ngak tu khi hi.

Psalm Late 33:9

Ama a pau ciangin leitung kibitphua a, ama thupiakna taw na theampo piang hi.

Isaiah 26:19

Ka mipui a thisate nungta kik tu uh hi! A pumpi uh nungta kik tu uh hi. Thaan sungah a mute theampo thoto tu a, lungdamin lasa tu uh hi. A tee vasip daaitui in leitung thathak a piak bangin Topa in taanghlai pek a, a thisate nungtasak tu hi.

Mark 5:41

Ama in numeino sia a khut pan kaito a, ama tungah, “Talitha, koum,” ci hi. A khiakna sia “Numeino awng, tho in hong ci khi hi,” cina ahi hi.

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Luke 7:15

Mithi pa hong tho to a, pau tu in a kithoai ciang Jesus in, a nu aap kik hi.

Luke 7:17

Hi bang Jesus ii thusia ngamsung le a kiimkot ngamkhente ah kizel hi.

John 11:25

Tua nu munah Jesus in, “Keima in thawkikna le nuntakna ka hi hi. Kei hong um peuma a thi zongin a nungta tu hi;

John 5:21

Pa in mithite thosak a, nuntakna a piak bangma Tapa in a piak nopte tungah nuntakna pia hi.

John 5:25

A tatakin kong ci hi: a hun hong tung tu a — hong tutung zo hi — tua hun ciang a thisate in Pathian Tapa ii aw za tu a, tuaciangin a zate hong nungta tu uh hi.

Romete 4:17

Laithiangtho in, “Minam tam mama ii pa kong suaksak zo hi,” a ci bangma ahi hi. Tua ahikom a thisa a nungtasak kik thei, a om ngeingawl laite thupiakna taw a piangsak thei, Abraham ii a up Pathian ii a muna ah tua kamciam sia kip hi.

Ephesus te 5:12

(Amate ii khuazing sungah a sep a vawt kute sia son tu zongh in maizumhuai lei hi.)