Luke 7:12 - Syin Chin Bible

¹² Khuapi kongpi a thet lian laitakin mihing pawlkhat thaan kuan tu in hong pusuak hi. Mithipa sia meingong khat ii khat bek a nei sun tapa hi a, khua sung panin mihon in meingongnu zui uh hi.

Luke 7:12 Iomraidhean Croise

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Pianciilna 22:2

Pathian in, “Na it mama, tapa khat bek na nei Isaac sia Moriah ngam ah paipui in. Tualai kong lak tu mual khat tungah keima biakpiakna in ama nong pia tu hi,” ci hi.

2 Samuel 14:7

Tuaciang tu in, topa awng, ka mealheakte theampo in hong langpan hi, a suapuipa a thalup hu in ama zongh a thalup thei natu in ka tapa sia amate khut sungah aapin hong sawl hi. Hi bangin amate hong ngamta le tapa nei nawn ngawl tu khi hi. Amate in ka lam etna a khakbel sia hong suk siatsak tu a, ka pasal min kilaw natu zongh tapa om nawn ngawl tu hi,” ci hi.

1 Kumpite 17:12

Ama in, “Anluum nei ngawl het khi hi ci in a nungta Topa na Pathian min taw ka kiciam ngam hi. Ka nei theampo sia kuang sungah anvui khut hum khat le thawl sungah olive thau tawmcik bek hi. Hi sungah kong pai sia thing tawm tom a ciapui in, ka nei sun teng ka tapa le keima neak tu in vawt tu khi hi. Tuasia koma an neak khakbel hi tu a, tua zawkciang pukthi tu khu hi,” ci hi.

1 Kumpite 17:18

Ama in Elijah munah, “Pathian mipa awng, banghangin hi bangin kei hong vawt ni ziam? Hi sungah nong pai sia ka mawna teng Pathian in phawksak a, ka tapa thi natu in hong vawt ni ziam?” ci hi.

1 Kumpite 17:23

Elijah in patangpa sia inn nuaidawl a nu kungah paipui suk kikin a nu munah, “En in, na tapa nungta hi!” ci hi.

1 Kumpite 17:9

“Tu in Sidon nai ah a om Zarephath khua ah pai in a, tua munah om ta'n. Tua munah meingong nupi khat nang an hong vaak tu in thupia zo khi hi” ci hi.

2 Kumpite 4:16

tuaciang Elisha in ama munah, “Mai ciang tubang hun in tapa khat na khut sungah toai tu ni hi,” ci hi. Ama in, “Oh! Topa awng nong hesuakna in leilot thu hong son heak in. Nang sia Pathian mihing khat na hi hi!” ci hi.

2 Kumpite 4:20

Naseam pa in patangno sia a nu kungah puak kik a, a nu in ni sun dong a kaang sungah toai hi, tua hunsung in a ta thi hi.

Job 29:13

Ngim le kham nasiabel a thuak mite in kei hong pok uh hi, tuaciang meingongte ngam muanna a nga natu in ka hu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Luke 7:11

Tua zawk tawmvei ciangin Jesus in Nain a kici khua khat ah a nungzuite le mihon khat taw kithawlin pai uh hi.

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Luke 8:42

banghang ziam cile kum sawm le kum nii a pha khat bek a nei a tanu sia thi dektak hi. Jesus taw hong tonkhawm a, a kiimkot panin mihonpite in phultha tek uh hi.

Luke 8:52

Tualai ah a om theampo in numeino hu in kap in mau in om uh hi. Jesus in, “Kap heak vun; numeino thi ngawl hi — a mu hi bek hi!” ci hi.

John 11:19

tuaciangin, Judea mi tam mama Martha le Mary taw kimu tu in pai a, amate ii suapuipa thi hu in heeneam tu in pai uh hi.

Sawltakte 9:39

Tua ahikom Peter kithoai in a samte taw ton hi. Ama a thet ciangin, inn tung doituam sungah paipui a, nupi meingong theampo in bawm hon a, kap kawmin, Dorcas a nuntak lai a, a vawt laktongte le laktong puasilhte theampo lak uh hi.

Sawltakte 9:41

Peter in a khut thaak a, ama dingsak hi. Tua zawkciang thu um theampo sam a, meingongte zongh kihel in, amate tungah, numei sia a nungta in aap hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.