Luke 6:7 - Syin Chin Bible

⁷ Thukham hil syate le Phariseete in Jesus tungah mawna zong nuamin, Sabbath ni in ciina a damsak ziam a damsak bua ziam, ci in a khial tu encik hi.

Luke 6:7 Iomraidhean Croise

Psalm Late 38:12

Kei hong thatlum nuamte in thaang hong sia a; hong liamsua nuamte in susia tu in hong tawng hi; amate in kei hong thasawmna a tawp ngei bua uh hi.

Isaiah 29:21

Ngual dang a sonsiate, khialna lian neite, daan piak tu a khaktante le thumaan mihingte tungah thu khaikim in thu a khen thei ngawl natu leilot thusonte sia Pathian in lalsak tu hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Matthew 5:39

Ahihang kei kong cina pan: no tungah hong khialte na thuk kik heak vun; khat po in na biangkho ziatsang hong beang le na biangkho veisang zongh na ngat vun.

Mark 3:2

Jesus ngamtat khial tu a encik mihing pawlkhat tua munah om ahikom Sabbath ni in, Jesus in ciina damsak ziam, a damsak bua ziam, ci in encik nginge uh hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

John 9:16

Phariseete pawlkhat in, “Hi bang a vawt, mihing in, Pathian kung pan hi thei ngawl tu hi, banghang ziam cile ama in Sabbath Thukham ni ngawl hi,” ci uh hi. Ahizong a dangte in, “Bangbangin mawnei mi khat in, hi bang nalamdang laknate vawt thei tu ziam,” ci uh hi. Tuaciangin amate sungah pawl kikhenna khat hong om hi.