Luke 6:49 - Syin Chin Bible

⁴⁹ Ahizong ka thu hong ngai a, ka sawl bangin hong ni ngawlte sia inn doppha a nei ngawl inn sa pa taw kibang hi; namthuam in a nawk ciangin tua inn thakhat thu in puk a — bangzata in a lauhuai lalthapna ziam!” ci hi.

Luke 6:49 Iomraidhean Croise

Paunakte 28:18

Thumaan le uhte ngammuangin na om tu uh hi. Na thumaan buale thakhat thu in na puk tu hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Hosea 4:14

Ahitazong, hi sia hu in amate daan pia ngawl tu khi hi, banghang ziam cile noma mama zongh biakinn a pumpi zuak numeite omkhop pui in, amate taw lawki sangaw biakpiaknate na pia khawm uh hi. Paunak khat sungah, ‘Ngaisutna nei ngawl mihingte kilalsak tu hi,’ a ci bang ahi hi.

Matthew 23:3

Tua ahikom amate in vawt a hong sawl peuma ni in zui vun; ahihang amate ngamtatnate zui heak vun, banghang ziam cile amate in a hil uh bangin ngamta ngawl uh hi.

Matthew 24:10

Mihing tam mama in tua hun ciangin, a upna uh nusia tu hi; amate khat le khat kileeheak tu a, khat le khat kingaimaw tu hi.

Mark 4:17

Ahihang a thu in amate sungah thuk bun ngawl ahikom, khuangei a khom bua uh hi. Tua ahiciang tua thu hangin ngimna le vawtsiatna hong pai ciang, thakhat thu in amate pukkik uh hi.

Luke 12:47

“A topa ii seam le a oai teng, tel napi a, a seam tu in, a kithoai ngawl tua naseampa nasia takin, velna kithuaksak tu hi.

Luke 19:14

Tu in a ngammite in ama ensan uh a, kamtaite in delsak a, ‘Ko hisia pa ka kumpi tu in dei ngawl khu hi,’ cisak uh hi.

Luke 19:27

Tu in a kumpipa tu in hong dei ngawl ka ngalte, hi munah hong paipui tavun a keima mai ah that vun,’ ci hi,” ci in son hi.

Luke 6:46

“Banghangin ‘Topa, Topa’ hong cici napi, kong son bang vawt ngawl nu ziam?

Luke 6:48

Ama sia inn sapa khat khuamkua a thuk in to a, suangpi sia inn doppha in a nei pa taw kibang hi. Namthuam a, tua inn nawkngawp ahihang pha takin kisa ahikom a ngawk zo bua hi.

Luke 7:1

Jesus in mihingte tungah hi teng a ci zawkciang, Capernaum khua ah pai hi.

John 15:2

Ama in kei tungah a nga ngawl baak theampo sattan tu hi, sapitnga a ngana baak pawpo a thiantho natu le tamzaw a nga thei natu ho in heu tu hi.

Sawltakte 20:29

Kong nusiat zawkciangin, a kiitakhuai ngiate, no sungah hong pai tu a, tua tuuhon a khoaikhet ngawl tu sia ka he hi.

Sawltakte 26:11

Tamvei ma, synagogue te ah daan ka piasak a, a upna uh a kheal thei natu in, ka hanciam hi. Amate tungah ka thin uuk mama ahikom, ngamdang a khuapite ngawngawn ah, ka pai a ka vawtsia hi.

1 Thessalonica te 3:5

Tuasia hu in Timothy kong paisak kul hi. Vei zo nawn ngawl ka hikomin na upna uh dawp tu in ama kong paisak hi. Doaimangpa in no hong ze et zo a, ko nasep teng a luithawthong hi zo ci sia suak thei mama ngawl tu hi!

2 Peter 2:20

Mihingte in, leitung siatna thahatnate sung pan, ih Topa le ih Hunpa Jesus Christ heakna taw suakta zo hi napi, tuate ma in man kik a, zosak kik ahile, tuabang mihingte sia a kipat lai sangin a tawpna ah, a sia zaw mun theng hi.

1 John 2:19

Hi mite in ei kipawlna sungah hong om tatak ngawl ahi hu in ei hong nusia hi; ei pawl sungah hong om hile ei taw hong omkhawm top tu hi. Ahihang eite taw hong kipawlkhawm tatak ngawl ahi hunlam a kithiangtel thei natu in amate in hong nusia hi.