Luke 6:42 - Syin Chin Bible

⁴² Na suapuipa munah, ‘Suapui awng nong hesuakna in, na mittang sungah ninteak sia hong laakkeaksak tong,’ na ci hang, nangma mittang sung a thingluang sia zongh mu thei ngawl hi ngawl ni ziam? No a kihitheamsakte awng! A masa phit in noma mittang sung a thingluang sia lakeak phot vun, tuasia zawkciangin na suapuipa mittang sung pan ninteak sia na laak thei natu in, a thiang takin, na mu thei tu uh hi.

Luke 6:42 Iomraidhean Croise

Paunakte 18:17

Thukhenzum sungah, a pau phitbel pa sia a langkhat pa ii thu a dok mateng a maan son bang hi tawntung hi.

Matthew 26:75

Peter in Jesus ii ama tungah “Ak khuan ma in thumvei hong nial tu ni hi,” ci in a son teng phawk hi. Ama pusuak in nasia takin kap hi.

Matthew 7:3

Tua ahile banghangin na suapuipa mittang sungah ninteak sia mu thei in, noma mittang sungah thingluang sia thupi laak ngawl nu ziam?

Matthew 7:4

Noma mittang sunga, thingluang khat om nginge sia, awlmawk ngawlin na suapuipa munah, ‘Na mittang sungah ninteak sia laaksak tong,’ banghangin ci ngam nu ziam?

Luke 13:15

Topa in zo a, “No mihing a kihitheamsakte awng! No sungah khat pawpo in, Sabbath ni in na khuital ahizong, na laa uh ahizong, tui pia tu in, a buk sung panin, pusua hi ngawl nu ziam?

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

Luke 6:41

“Banghangin na suapuipa mittang sung a ninteak sia mu thei in nangma mittang sungah thingluang sia thupi laak thei ngawl ni ziam?

Luke 6:43

“Thingkung ciidam khat in thingnga pha ngawl a nga bua a, tuaciang thingkung pha ngawl khat in thingnga pha a nga bua hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Sawltakte 8:21

Nang in kote nasepna taw kisai nawn ngawl ni hi, banghang ziam cile, Pathian muna ah na thin maan ngawl hi.

Romete 2:1

Note in ngual tungah thukhen hi ngawl nu ziam? Akua po na hi uh zong na paulap tu om ngawl hi. Banghang ziam cile ngual tungah thu na khen uh ciangin noma zongh amate ngamtat bangma in na ngamta veve uh le noma le noma thu kikhen na suak uh hi.

2 Corinth te 5:18

Hiteng theampo Pathian nasepna hi a, ama in Christ tungtawnin, a ngalte ih hina panin a lawmte hong suaksak zo a, ngualdangte zongh a lawmte ih suasak natu in, eite tungah vaipuak hong pia hi.

2 Timothy 2:21

Khat po in a siate theampo panin, a kithiangsak le ama sia tupna theampo ah kizangh tu hi, banghang ziam cile ama sia a Topa atu in a kipia a taktaipa hi a, na pha sep natu sung theampo ah a kizangh tu in kinging khol hi.

2 Peter 1:9

Ahihang hi kicinnate a nei ngawl peuma sia, a khua muna toi ahikom, a mawna luite pan kithiansua zo ahi hunlam mu thei ngawlin mangil zo uh hi.