Luke 6:38 - Syin Chin Bible

³⁸ Ngual na piak uh bangin, Pathian in hong pia tu hi. Ngual na piakna uh taw kizui in a kihen ikek a kilok cinten, a teena khum a vuum a dimleet in Pathian in no tungah hong pia tu hi,” ci hi.

Luke 6:38 Iomraidhean Croise

2 Samuel 19:36

Tuabang tel lian a saang tu in kiphu nawn ngawl khi hi. Tua ahikom Jordan ngal khat tawm khawng dong hong pai lai bek tu khi hi.

Esther 7:10

Tuabangin Mordecai atu ama ii phusa khuam sia tungah Haman ki awklumsak hi. Tua zawkciang kumpipa thin uukna thai hi.

Esther 9:25

Ahizong kumpipa kungah Esther pai a, kumpipa in thupiakna lai suaksak in, Jew te thuak tu a ngealna sia Haman tungah tu kik zaw hi. Ama le a tapate sia ngui awkna khuam tungah ki awklumsak hi.

Job 42:11

Job ii a suapui pate, a suapuinumeite le, a ngualtamh luite theampo ama inn ah hawin ama taw anneakpoai vawt uh hi. Amate in Topa ii ama tung a tunsak ngimnate theampo hu in khuangai pui in heeneam uh hi. Amate khat simin sum pawlkhat le khamh khutzungbu khat tek ama pia uh hi

Psalm Late 79:12

Topa awng, minam dangte ii nang hong selnona hu in amate tungah a see sali in thuk kik in.

Pusuana 21:24

mittang atu mit, hatang atu ha, khut atu khut, peang atu peang,

Paunakte 10:22

Nang hong hausak sia in Topa ii thupha ahi hi. Nasep hanciamna in hong hauzawsak thei ngawl hi.

Paunakte 19:17

A zawngte tungah na piak ciangin Topa tungah pukthaak bang hi a, Topa in hong lo kik tu hi.

Paunakte 22:9

Piakna sungah na ngo vun a, na an uh mizawngte na hawm vun. Tua hu in thupha na saang tu hi.

Jeremiah 32:18

Mihing tul tampi te tungah tawntung itna na lak zo a, ahihang a nu a pate ii mawna khialnate hu in mihingte daan na pia si hi. Nangma in a lian, a vaang nei Pathian na hi a; Vaanglianbelpa Topa na hi hi.

Matthew 10:42

Hi sung ka nungzuite sung pan, a nobel khat sia, keima nungzui ahi hu in, tuidam hai khat bek a pia zong a maan takin thaman saang tu hi,” ci hi.

Matthew 7:2

banghang ziam cile ngual tungah thu na khen uh babangin note tungah Pathian in thu hong khen tu hi. Ngual tungah na zak uh na ngeina let uh teng ma no tungah hong kizangh tu hi.

Mark 4:24

Jesus in, “Na zaak uh sia pha takin ngai vun! Ngual tungah na zak thukhenna sia Pathian in no tungah thukhenna in hong zangh tu hi — a nasia zaw lai in thu hong khen tu hi.

Luke 6:30

Bang khat pawpo hong ngen a om le na pia vun, na neisa uh hong laaksak a om le, na ngen kik heak vun.

Thuhil kikna 15:10

Ama tungah haza ngawlin deisakna taw pia vun, tua hile na nasepna theampo ah Topa in thupha hong pia tu hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

Thukhente 1:7

Adonibezek in, “Kumpi sawmsali, a khutpite le a peangpite a kitante in ka sabuai nuai ah antaakte tawm uh hi. Amate tung a ka vawt teng Pathian in kei tungah tu in hong vawt hi,” ci hi. Jerusalem ah ama kipaipui a, tua munah thi hi.