Luke 6:25 - Syin Chin Bible

²⁵ Tu laitak no a ngilvate atu in bangza in lauhuai ziam; na ngil uh kial tu hi! “Tu laitak no a nuite atu bangza in lauhuai ziam; tau in na kap tu uh hi!

Luke 6:25 Iomraidhean Croise

Psalm Late 49:19

ama in thi in a tawntung khua zingna mun a taanghpupite kung zuan tu hi.

Paunakte 14:13

Nuina in heena seal thei hi. Lungdamna a bo zawkciang heena sia tua munah om tawntung hi.

Paunakte 30:9

Ka kham vaalin an ka nei le, nang hong tulmaw bong kong ci tha tu hi. Ahihang ka zawng le, ka nguta tha tu a, ka Pathian ii min daina kong suaksak tu hi.

Thuhilsya 2:2

Nuina in mawmawthuai a, nopsakna in bangma phattuamna hong pia ngawl ci sia ka mu hi.

Thuhilsya 7:3

Heena in nuina sang phazaw a; na mai hong khingsak tha tu ahitazong, na heakna khangsak hi.

Thuhilsya 7:6

Mihing mawmaw khat a nui ciang, mei sungah lingkung hal puak vazak bang ahi hi. Bangma khiakna nei ngawl hi.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Isaiah 65:13

Tua ahikom keima hong bia in ka thu hong nite in neak tu dawn tu hau tu uh a, ahihang note in ngilkial dangtaak in na om tu uh hi, ci in kong son hi. Amate lungdam tu a, ahihang note na mai uh mawl tu hi.

Isaiah 8:21

Mihingte ngam sungah thinkiam ngilkial in vak kawkoai tu uh hi. Amate ngilkial thin uuk in a kumpipa le a Pathian haamsiat tu uh hi. Amate in vantung a ento zong, ahibuale

Isaiah 9:20

Ngamsung koima po ah, mihingte in a zontawm, a mutawm an bekno khat pawpo ne a, ahihang a ngil uh va ngeingawl hi. Amate in a tate ii sa ngawngawn ne uh hi!

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

Nahum 1:10

Lingngui kivialte le taangphaw ko bangin no zukhamte hong kihaltum tu hi!

Luke 12:20

Ahihang Pathian in ama tungah hi bangin ci hi, ‘Mihing mawmaw pa awng! Zan ciang mama in na nuntakna na aap kul tu hi; tua hile nangma atu na kholsa hi teng sia akua in tang tu ziam?’ ” ci hi.

Luke 13:28

Noma teng doipua ah hong kipuavawk laitakin Abraham, Isaac, Jacob le kamsaang dangte sia Pathian Ngam sungah na mu uh ciang, bangza in kap in ha ngoai in om tu nu ziam!

Luke 6:24

“Ahizong tu laitak no a haute atu in bangza in lauhuai ziam; no sia a nuam a nungta sa hi zo nu hi!

Luke 6:26

“Mihingte in hong phat son ciangin bangza in lauhuai ziam; amate taanghpupite zongh in leilot kamsaangte, tuabang ma in na son uh hi.

Luke 8:53

Amate in Jesus nuisan uh hi, banghang ziam cile numeino thi zo hi ci in he uh hi.

Ephesus te 5:4

Kampauna sungah a kiihuai, a nin kammal le zummawk kammalte na zak tu uh zongh kilawm ngawl a, Pathian tungah lungdamkona kam na pau tu uh hizaw hi.

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.

James 4:9

Heena, kaana, tauna taw om vun; na nuina uh sia kaana taw laih tavun a, na lungdamna uh sia, maikhinna taw laih tavun!

Thupualaakna 3:17

Nang in ‘Kei sia hau in nuamsa ing; ka kisap theampo nei ing,’ ci ni hi. Ahihang bangza in zawngkhalin, hesuakhuai na hi hunlam na kihe bua hi! Nangma na zawng a, pumnguak na om a, na mittaw hi.

1 Samuel 2:5

Khatvei lai in pha takin a kivaakte, tu in an thalaw bek a, ngual cial sa in om hi, ahihang a ngilkialte sia kial nawn ngawl hi. Tasel zi sia ta sali hong nei hi, ahihang ta tam mama te ii nu kungah kuama a taang nawn bua hi.