Luke 6:23 - Syin Chin Bible

²³ Tuabangin thu hong pian ciangin lungdam vun a, lawpna taw na diang vun, banghang ziam cile no atu vantung ah thaman lian khat kikoisak hi. Banghang ziam cile amate ii taanghpupite zongh in kamsaangte tungah tuabang ma in, na ngamta uh hi.

Luke 6:23 Iomraidhean Croise

2 Samuel 6:16

Tua thingkuang khuapi sung a kithetpui laitakin Saul ii tanu Michal in khelki panin khua a et le David kumpipa Pathian mai ah laamin tawnin a om a mu ciang, hoi maw sa hi.

1 Kumpite 18:4

Jezebel in Topa ii kamsaangte a thalup lai in, Obadiah in tua kamsaangte zakhat la in, suanghawng sungah pawl khat ciang 50 veu khen in pawl nii in seal a, an le tui sik hi.)

1 Kumpite 19:10

Ama in, “Topa Pathian Vaanglianbelpa awng, nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi. Keima bekma taanglai khi hi — tuaciang amate in kei hong that nuam in hanciam uh hi!” ci in zo hi.

1 Kumpite 19:14

Ama in, “Topa Pathian Vaanglianbelpa nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi, Keima bekma taanglai khi hi — tuaciang amate in kei hong that nuam in hanciam hi,” ci hi.

1 Kumpite 19:2

Tua nu in Elijah kam khat thaak hi: “Kamsaangte tungah na vawt bang keak in zing ciang tu hunin nang tungah kong vawt bua tale pathiante in kei hong vaatlum tahen,” ci hi.

1 Kumpite 21:20

Ahab in Elijah a mu ciang, “Ka ngal pa awng, kei hong pha zo ngawngaw ni ziam?” ci hi. Elijah in “Hi hi, hong pha zo khi hi,” ci in zo hi. “Topa muna ah khialna hi teng na vawt natu in nangma le nangma kipumpiak ni hi.

1 Kumpite 22:27

Amate in ama thong sungah koi hen a, bangma tat ngawlin kong heak kik dong anluum le tui bek taw na vaak hen, ci in son in,” ci in thupia hi.

1 Kumpite 22:8

Ahab in, “Khat om lai hi, Imlah ii tapa Micaiah hi. Ahihang ama ensan khi hi, banghang ziam cile ama in kei atu a pha bangma sonkhol ngeingawl hi; a pha ngawl khat veu hi tawntung hi,” ci in zo hi. Jehoshaphat in “Tuabangin ci heak in!” ci in zo kik hi.

2 Kumpite 6:31

Ama au in, “Nitum ma in Elisha ii lu a kitan buale Pathian in hong vaat lum tahen!” ci hi.

2 Khangtaanghthu 36:16

Ahizong amate in Pathian ii kamtaite nunau in, a kammalte awlmawk ngawl a, kamsaangte nuisan uh hi, a khakbel ciang a mite tungah Topa thin uukna nasia tatak ahikom suatak natu lampi om ngawl hi.

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Psalm Late 58:11

Mihingte in “Thutangte sia thaman kipia takpi hi; Leitung ah thu a khen Pathian khat om takpi hi,” a ci tu uh hi.

Isaiah 35:6

Peangbaite leangin laam tu uh a, a pau thei ngawlte lungdam in au tu uh hi. Sennealngam sungah luituite luang tu hi;

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Matthew 5:12

Na thinnuamsak vun, lungdam vun, banghang ziam cile vantung ah na thaman saan tu hong kikoisak sia lian mama hi. Taanghlai kamsaangte zongh tuabang ma in, na kivawtsia hi.

Luke 1:41

Mary biapuina aw a zaak ciangin Elizabeth sung a om nauno lungdam in kisaan hi. Elizabeth Thaa Thiangtho taw kidim a,

Luke 1:44

Banghangin tuabangin ci khi ziam cile nong paupuina aw ka zaak po ciang, ka sung a nauno lungdam in kilawn hi.

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

Sawltakte 14:10

“Na peang taw dingmaam in!” nging takin ci hi. Pasalpa zongh kilawn to in, vak kawkoai hi.

Sawltakte 3:8

ama sia kilawn in, a peang taw ding a, lampai tu in kipan hi. Tua zawkciangin, amate taw Biakinnpi sungah tum a, lampai in, kilawn in, Pathian pok hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

Romete 5:3

Ih ngimnate hu zonghin ih angtang hi, banghang ziam cile ngimna in thuak zawkna piangsak a,

2 Corinth te 12:10

Christ atu in thazawmna, kiselnona, haksatna, vawtsiatna le buainate ah ka lung a kim hi. Banghang ziam cile ka thazawm ciangin a thahat ka suak hi.

Colossae te 1:24

Tu in no atu ka thuak nate tungtaang ah ka lungdam hi, banghang ziam cile a pumpi ahi pawlpi atu Christ ii thuak tu a om laite a khuangkhim natu in keima in cii le sa taw ka thuak ciangin a hu ka hi hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

Hebrew te 11:6

Upna ngawl taw kuama in, Pathian lungdamsak thei ngawl hi, banghang ziam cile Pathian kung a zuan peuma in, ama sia om takpi a, ama a zongte thaman pia hi, ci in, a up uh kul hi.

James 1:2

Ka suapuite awng, ze etna namcin na thuak uh ciangin hampha in na kingaisun tavun,

1 Peter 4:13

Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

Thupualaakna 2:17

“Bil na nei uh le pawlpite tungah Thaa thusonnate ngai vun! “Zawna a nga mihingte tungah a kiseal manna an pawlkhat ka pia tu hi. Amate khat tek tungah, a saangte ngawl po kuama dang ii heak ngawl minthak a ki at suangpheak khat tek ka pia si tu hi.

Thupualaakna 2:26

Zawna a ngate le a tawp dong ka dei bang a, a ngamta suakte sia ka Pa tung pan ka nga thuneina ka pia tu hi: minamte thikciang taw a uk natu thuneina ka pia tu a, amate in leibeal bangin amate a bek a bekin tamhthamsak tu uh hi. Amate tungah nikonghong aksi zongh ka pia tu hi.

Thupualaakna 2:7

“Bil na nei uh le pawlpite tungah Thaa thusonnate ngai vun! “Pathian ii huan sungah a po nuntakna thingkung ii nga sia, zawna a ngate ii a neak thei natu thu ka pia tu hi.

Thupualaakna 21:7

Zawna a nga pawpo kei tung pan a saan tu thu in: Kei sia amate ii Pathian ka hi tu a, ama sia Keima tapa ahi tu hi.

Thupualaakna 3:12

A zo pa sia ka Pathian biakinn khuam ka suaksak tu a, ama in a nusia ngei buatu hi. Ama tungah ka Pathian min le ka Pathian kung vantung pan hong tuaksuk tu Pathian ii khuapi min ahi Jerusalem khuathak ii min ka at tu hi. Ama tungah ka minthak zongh ka at tu hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.