Luke 6:22 - Syin Chin Bible

²² “Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

Luke 6:22 Iomraidhean Croise

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 10:39

A nuntakna a nga natu a hanciam khat pawpo sia a nuntakna taan tu hi; ahihang a kuama po kei hangin a nuntakna a taan le, nuntakna tatak nga tu hi.

Luke 20:15

Tua ahikom sapithuan pua sangah ama not in thatlum uh hi. Jesus in hi bangin dongh hi, “Tua ci leang sapithuan neipa in huan saapte bang law tu ziam?

Luke 21:17

Kei hu in no sia mihing theampo in hong ensan tu hi.

Luke 6:21

“Tu laitak a ngilkialte in a lungdamte na hi uh hi; na ngil uh a va tu hi! “Tu laitak a kapte in a lungdamte na hi uh hi; na nui tu uh hi!

John 12:42

Tua zawk ciang ngawngawnin Jew thuneite tam mama in Jesus um uh hi; ahihang Phariseete ii synagogue pan amate a hawlkeak ngawl natu in, a kilangh taakin a upna thu a son ngam bua uh hi.

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

John 17:14

Na thupuak amate ka pia a, tuasia ciang leitung in amate ensan hi, banghang ziam cile keima leitung ii neisa ka hi ngawl bangma, amate leitung ii neisa ahi bua hi.

John 7:7

Leitung in note hong ensan thei ngawl tu hi, ahihang kei hong ensan hi, banghang ziam cile, amate ii paiziate pha ngawl hi, ci in ka son tawntung hi.

John 9:34

Amate in, “Nang sia mawna sungah suak a, mawna sung ma a khangto ni hi — ko hong hil tu in hanciam ni ziam?” ci in zo uh hi. Tuaciangin amate in ama synagogue panin hawlkhia uh hi.

Sawltakte 22:22

Paul ii hi bang teng a son ciang dong, amate in ngai uh hi; ahihang tua zawkciangin, amate in a aw nei za taw au a, “Ama heam vun! Thatlum vun! A nungta tu in kilawm ngawl hi!” ci uh hi.

Sawltakte 24:5

Hisia pa sia a kiitakhuai mihing nawngkai khat in ka mu uh hi; ama in leitung mun theampo ah a om Jew te sungah, buaina phuang pa hi a, Nazarenes pawl ii lampuipa ahi hi.

Sawltakte 9:16

Tuaciang keima mama in kei ii hu a, a thuak tu theampo zongh ka lak tu hi,” ci hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.