Luke 6:21 - Syin Chin Bible

²¹ “Tu laitak a ngilkialte in a lungdamte na hi uh hi; na ngil uh a va tu hi! “Tu laitak a kapte in a lungdamte na hi uh hi; na nui tu uh hi!

Luke 6:21 Iomraidhean Croise

Pianciilna 17:17

Abraham sia a maitang lei a phak dong kunsuk a, ahizong hi bang thu teng a ngaisut ciang a nuiza hi; a thinsung ah, “Kum zakhat a pha pasal khat in ta khat nei thei tu ziam? Kum sawmkua a pha Sarah in ta khat nei thei tu ziam?” ci hi.

Pianciilna 21:6

Sarah in, “Pathian in lungnopna le nuina hong pia zo hi. Hi thu a za peuma in hong nuipui tu hi,” ci hi.

Psalm Late 107:9

Ama in a dangkote dangcimsak a, a ngilkialte an phate taw ngilvasak hi.

Psalm Late 119:136

Mihingte in na thukham hong zui ngawl hu in ka thitui ngun bangin luang hi.

Psalm Late 143:6

Thungenin ka khutte nang kungah kong laamto hi; lei ko bangin ka thaa in nang hong dangtaak law hi.

Psalm Late 17:15

Ahihang kei in nang kong mu tu hi, banghang ziam cile ngamtat khialna ka nei bua hi; tuaciang ka khanlaw ciang nong ompuina in lungnopna taw hong kidimsak tu hi.

Psalm Late 28:7

Topa in hong dal a hong hung hi; ama ka muang hi. Ama in huna hong pia a hong lungdamsak hi. Lungdamna lasa in ama ka pok hi.

Psalm Late 65:4

Na inn thiangtho sungah teang tu in na paipui, na teal sate mi nuamsate ahi uh hi. Na inn sungah na phate, na Biakinnpi thiangtho ii thuphate hangin ka lung uh kim tu hi.

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Isaiah 30:19

No Jerusalem ah a teang mihingte kap nawn ngawl tu nu hi. Topa sia hesuak thei a, ama tungah huna ngenin na kaa uh ciang ama in hong zo tu hi.

Isaiah 66:10

Jerusalem taw lungdam khawm vun; ama atu in lungdam vun, hi khuapi a it note theampo awng! ama atu in a hee a kap note theampo awng, tu in ama taw lungdam khawm vun!

Jeremiah 13:17

Ka thu nong ngai bua uh le na kiphatsak na uh hangin ka kap ku tu a; thitui luangin nasia takin ka kap tu hi, banghang ziam cile Topa ii mite sia ngalmatte bangin kipaipui zo hi.

Jeremiah 31:25

A ngim a toi mihingte thathak ka nguan tu a, ngilkial in, a tha zawmte theampo an ka vaak tu hi.

Jeremiah 31:9

Ka mite lampui in ka heakpui kik laitak amate kap kawm, thungen kawmin hong heak kik tu uh hi. Tui omna lui ah amate lam ka pui tu a, lam nuamna ah amate lutu ngawl tu uh hi. Keima in Israel te ii pa khat bang ka hi a, Ephraim sia ka tapa lianbel ahi hi,” ci hi.

Jeremiah 9:1

Ka lu sia tuikhuk hi hen a, ka mitte thitui ii naak khat hi le uuk ing, tua hi thong le a kithatlum ka mite atu in a sun a zanin ka kap zo tu hi.

Ezekiel 7:16

Pawlkhatte sia leikuamte pan a lau vakhute bangin mual tungah suakta to tu hi. A mawna uh hu in amate theampo mau tu uh hi.

Ezekiel 9:4

“Jerusalem khuapi bup sungah va pai ta'n a, khuapi sungah a kivawt, a kiihuai nate theampo hu in, a khuangai a thinngim theampo ii talki tungah tepteena vawt ta'n,” ci hi.

Matthew 5:4

“A thuum a taute in mihing lungdamte ahi uh hi! Pathian in amate heeneam tu hi.

Matthew 5:6

“Pathian ii tangkalte sep tu a lungngulbel te in mihing lungdamte ahi uh hi; Pathian in a kicing lungkimna pia tu hi!

Luke 1:53

A ngilkialte neakpha taw vaak a, a haute khut hawm nguak taw taisak hi.

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

Luke 6:25

Tu laitak no a ngilvate atu in bangza in lauhuai ziam; na ngil uh kial tu hi! “Tu laitak no a nuite atu bangza in lauhuai ziam; tau in na kap tu uh hi!

John 11:35

Jesus kap hi.

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

John 6:35

Jesus in, “Keima in, nuntakna anluum ka hi hi. Kei kungah hong paite in, a ngilkial ngei nawn ngawl tu hi; kei hong umte in, a dangko ngei nawn ngawl tu hi.

1 Corinth te 4:11

Hi hun dong mama in kote ngilkial dangtaak in ka om uh hi; puansia ngapkaai ka sil uh a; kote hong kisaat hi; mun khat pan mun khat ah ka vak kawkoai uh hi;

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

2 Corinth te 12:10

Christ atu in thazawmna, kiselnona, haksatna, vawtsiatna le buainate ah ka lung a kim hi. Banghang ziam cile ka thazawm ciangin a thahat ka suak hi.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

Thupualaakna 21:3

Kumpi tokhum pan a ngingin a pau khat ka za hi: “Tu in Pathian omna inn sia mihingte taw omkhawm zo hi! Ama in amate taw teang khawm tu a, ama mihingte a hi tu hi. Pathian mama in amate taw omkhawm tu a, ama in amate ii Pathian ahi tu hi.

Thupualaakna 7:16

Amate in ngilkial, dangko kik ngei nawn ngawl tu hi; ni le satna a nei dangte in amate sia kaangh ngawl tu hi,