Luke 6:20 - Syin Chin Bible

²⁰ Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

Luke 6:20 Iomraidhean Croise

Psalm Late 37:16

Mihing pha khat ii tawmno khat a nei teng sia mihing seksol theampo ii hauna sangin man neizaw hi,

Paunakte 16:19

A kisatheite ii sungah kihel a, ih pawlte ii a sutol vanh hawmte ih nga sangin, kiniamkhiakin a zawngin om leang phazaw hi.

Paunakte 19:1

A leilot thei a mawmaw khat hi tu sangin, zawng napi a thumaan khat ih hi tu phazaw hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Zephaniah 3:12

A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Zechariah 11:11

Tua ahikom tua thuciamna sia, tua ni in kiphiat hi, tuu a zuak le a leite in kei hong en nginge a, ka sep ka vawtte tungtawnin Topa in thuson ahi hunlam he uh hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:1

Jesus in mihonpite a mu ciangin mual tungah kaato hi. A nungzuite a kiim ah kikhawm a,

Luke 12:32

“Tuu honnote awng, lau heak vun. Banghang ziam cile na Pa in Ngam hong pia nuam hi.

Luke 13:28

Noma teng doipua ah hong kipuavawk laitakin Abraham, Isaac, Jacob le kamsaang dangte sia Pathian Ngam sungah na mu uh ciang, bangza in kap in ha ngoai in om tu nu ziam!

Luke 14:15

Sabuai ah a to mihing khat in hi thu a zaak ciangin Jesus tungah “Pathian Ngamsung poai vawtna ah a to tute sia bangzata in thupha nga ziam?” ci hi.

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

2 Corinth te 8:2

A thuak ngimna te taw amate nasia takin kize et hi; ahihang a lungdamna uh lian mama ahikom, amate zawng mama napi, piakna ah ngo thei mama uh hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

1 Thessalonica te 1:6

Koma le Topa ettee in nong zui uh hi; nasia takin thuak na hi ta uh zong, Thaa Thiangtho kung pan hong pai tua thu sia lungdamna taw na saang zo uh hi.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.