Luke 6:19 - Syin Chin Bible

¹⁹ Mihing theampo in ama tham tu in, hanciam uh hi, banghang ziam cile ama tung panin, vaang hong pusuak a, amate damsak siat hi.

Luke 6:19 Iomraidhean Croise

2 Kumpite 13:21

Khatvei mithi khat a kivui laitakin tua ngalte honkhat kingal mu a, tuaciang mithi puate in a thiluang sia Elisha ii thaan sungah lawnsuk uh a, amate taikeak uh hi. Elisha ii ngu taw a kiphak po ciang mithi sia nungta kik a, ding to hi.

Matthew 14:36

A puanmong beak ahizong ciinate a thamsak natu in, ama tungah ngen uh hi. Tuaciang a puanmong a tham theampo damsak hi.

Mark 3:10

Ama in mihing tam mama damsak hi, tuaciang natna nei peuma in ama tham tu in kiphul ngawp uh hi.

Mark 5:30

Thakhatin ama sung pan vaangletna pusuak hi ci in Jesus in, phawk a mipite sangah kiheak in, “Akua in ka puan hong tham nu ziam?” ci hi.

Mark 6:56

Jesus paina po khuapi, khuano le lo sung a om mihingte in ciinate vanhzuakna phual ah paipui uh a, a puanmong beak a tham tek thei natu in, ama tungah ngen uh hi, tuaciang a thamte theampo dam uh hi.

Mark 8:22

Amate Bethsaida khua hong theng a, ama ii tham tu in mittaw pasal khat mihing pawlkhat in Jesus kungah hong paipui hi.

Luke 5:17

Ni khat Jesus ii a thuhil laitak, Galilee ngam, Judea le Jerusalem panin Phariseete pawlkhat le, Thukham hil syate to hon uh hi. Ciinate a damsak natu in, Topa vaangletna Jesus tungah om hi.

Luke 6:18

amate in Jesus thuhilna ngai tu le a natna uh pan a damsak tu thangai in hong pai ahi uh hi. Thaa ngilote ii vawtsiat mihingte zongh hong pai a, dam uh hi.

Sawltakte 19:12

Ama zak mai nawlna le awmdap puante ngawngawn ciinate kungah a kipaipui ciangin a natnate dam a, thaa ngilote zongh amate sung pan pusuak uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.