Luke 6:14 - Syin Chin Bible

¹⁴ Simon (Peter ci in min vaw hi) le a suapuipa Andrew; James le John, Philip le Bartholomew,

Luke 6:14 Iomraidhean Croise

Matthew 10:2

Nungzui sawm le nii teng sia hi teng ahi hi; a masa phit in Simon (Peter zongh kici) le a suapuipa Andrew, Zebedee ii tate James le a suapuipa John;

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 4:18

Galilee tuili hui ah a va laitakin, Jesus in ngasa mante ahi unau nii Simon (Peter kici) le a suapuipa Andrew, tuili sungah ngeen khat taw ngasa manin a om mu hi.

Matthew 4:21

Tua mun pan a paisuak uh ciang Zebedee tapate unau James le John mu hi. Amate in a pa taw ngunkuang sungah a ngeente puua in om uh hi. Jesus in amate sam hi.

Mark 1:19

Ama in mai sangah tawm a pai ciang, Zebedee ii tapate James le John te unau mu hi. Amate a ngeente puua in ngunkuang sungah om uh hi.

Mark 1:29

Jesus in a nungzuite taw synagogue nusia in Simon le Andrew te inn ah paisuak uh hi. Nungzui James le John zongh kihel hi.

Mark 14:33

Ama in Peter, James le John te paipui hi. Ama sia heena le thinngimna taw kidim hi,

Mark 3:16

Sawm le nii a teal teng sia hi teng ahi hi, Simon (Jesus in Peter ci in min a piak sia),

Mark 5:37

Tua zawkciang Peter, James le a suapuipa John simngawl ngualdang kuama a paipui bua hi.

Mark 9:2

Ni luk zawkciang Jesus in Peter, James le John te samin mualsaang khat tungah kaato pui hi, tua munah amate teng bek om uh hi. Amate mu tangin Jesus meal hong kikheal a,

Luke 5:10

Simon seppui ahi Zebedee tate James le John zongh in, lamdang sa uh hi. Jesus in Simon tungah, “Lau heak in; tu pan kipan mihingte na man tu hi,” ci hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Luke 6:13

Khuavak ciangin, a nungzuite ama kungah sam a, amate sung pan nungzui tu sawm le niite teal hi, tuate sawltakte kici hi:

Luke 6:15

Matthew le Thomas, Alphaeus ii tapa James le Simon (minam it a kici pa),

John 1:45

Philip in Nathanael a mu ciang, “Moses ii thukham laibu sungah a thu a at pa le, kamsaangte zongh ii a thu a at pa mu zo khu hi. Ama sia Nazareth pan Joseph tapa Jesus hi,” ci in ama munah son hi.

John 14:8

Philip in, “Topa awng, Pa hong lak ta'n; tuasia ka kisap uh a vekpi hi,” ci hi.

John 6:5

Jesus in a kiimkot a et ciangin, mi honpi khat ama kungah hong zuan mu a, tua ahikom Philip munah, “Koisung pan hi mihingte theampo ih vaak khom natu an lei thei tu hi ziam,” ci hi.

John 6:8

A nungzuite sung pan a dang khat Simon Peter ii suapuipa Andrew in,

Sawltakte 1:13

Amate Jerusalem khua sungah tumin, a taam ngeina mun inn tung dawl sungah om uh hi. Amate teng sia Peter, John, James le Andrew, Philip le Thomas, Bartholomew le Matthew, Alphaeus, ii tapa James, Minam it Simon, le James ii tapa Judas ahi uh hi.

Sawltakte 12:2

Ama in John suapuipa James namsau taw thatlumsak hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi: