Luke 5:30 - Syin Chin Bible

³⁰ Pharisee pawlkhat le tuate sung pan Thukham hil syate in Jesus nungzuite tungah lungkim ngawlna hi bangin ci uh hi. “Banghangin shiadongte le a kipuavawkte taw annekhawm tuidawn khawmin om nu ziam?” ci in dongh uh hi.

Luke 5:30 Iomraidhean Croise

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Matthew 5:46

“No hong itte bek na it uh le, Pathian in banghangin thaman hong pia tu ziam? Shiadongte ngawngawn zongh, tuabangin ngamta kana ngawl ziam?

Matthew 9:11

Hi bangin a om uh, Pharisee te pawlkhat in mu a, “Banghangin na Syapa uh hi bang mihingte taw an nekhawm ziam?” ci uh hi.

Mark 2:16

Pharisee a kici Thukham hil syate in, Jesus shiadongte le a kinialnamhte taw an nekhawm in om a mu uh ciangin, “Banghangin ama in mihing tuabangte taw an nekhawm ziam?” ci in dongh uh hi.

Mark 7:3

(Phariseete le Jew te peuma in, amate ii taanghpupite hil, ngeina tuatuamte nasia takin zui uh hi: a khut uh ahi tu bangin a sil bua uh le an ne ngawl uh hi;

Mark 9:16

Jesus in a nungzuite munah, “Amate taw bang teng kinial nu ziam?” ci in dongh hi.

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 19:7

A mu mihing theampo phun tek a, “Hisia pa in, mawneipa khat ii inn ah zintung thong hi!” ci uh hi.

Luke 5:17

Ni khat Jesus ii a thuhil laitak, Galilee ngam, Judea le Jerusalem panin Phariseete pawlkhat le, Thukham hil syate to hon uh hi. Ciinate a damsak natu in, Topa vaangletna Jesus tungah om hi.

Luke 5:21

Thukham hil syate le Phariseete in, “Pathian zawnsakna kampau hisia pa akua ziam! Mawna maisak thei sia, Pathian khat simngawl a dang om ngawl hi,” amate tetek kici uh hi.

Luke 7:34

Mihing Tapa hong pai a, ama in ne in dawn in, a om leleau ciangin, ‘En vun. Antuangpa, zutuangpa, shiadongte le a kipuavawkte ii lawmpa!’ ci nu hi.

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Sawltakte 23:9

Auna aw nging vaial a, Pharisee pawl mi Thukham hil sya pawlkhat hong ding a, nasia takin nalh uh hi: “Hisia pa tungah bangma khialna mu zo ngawl khu hi! Vantunglalang khat ziam, thaa khat ziam in, ama paupui takpi hi thei tu hi!” ci uh hi.