Luke 5:26 - Syin Chin Bible

²⁶ Amate theampo in lamdang tatak sa uh hi. Launa taw kidim in, Pathian pok kawm a, “Tuni in, bangza in a tumdang nate mu thong hi ziam?” ci uh hi.

Luke 5:26 Iomraidhean Croise

Jeremiah 33:9

Jerusalem sia kei atu in lungdamna, patoaina le kiphatsakna ii kipatna hi tu hi; leitung ah minam om theampo in Jerusalem atu na pha ka vawtnate le hi khuapi atu nopsakna ka piakna thute a zaak uh ciang, lau in liing tu uh hi,” ci hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Matthew 12:23

Jesus sep teng a mu uh ciang mipite in lamdang sa uh hi. Amate in, “David tapa hi takpi tu ziam?” ci in dongh uh hi.

Matthew 28:8

Tua ahikom amate in, thaan sia manlang takin nusia a, lau kawm si lungdamna taw kidim si in, nungzuite kungah thupuak tu in tai uh hi.

Matthew 9:8

Mihonte in a mu uh ciangin liinglawng uh a, mihingte tungah tuabang thu nei theina a piak hu in, Pathian pok uh hi.

Mark 2:12

Amate mu tangin pasalpa tho a, a phah luakin cia vingveng hi. Amate in lamdang sa mama in, Pathian pok uh hi. “Hi bang peuma mu ngei bua hing!” ci uh hi.

Luke 1:65

A innpaamte patau siat a, tuaciang hi thute Judea ngam mualtung tengah kizel hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Luke 7:16

Amate theampo lau in, Pathian pok uh hi. “A lian mama kamsaangpa khat ei sungah piang zo hi! Pathian in a mite ngum tu in hong pai zo hi!” ci uh hi.

Luke 8:37

Tua ngam ah mihing theampo in, Jesus sia mundang a zot natu in, sawl uh hi, banghang ziam cile amate lau mama uh hi. Tua ahikom Jesus in ngunkuang tungah kaa in ding kik hi.

Sawltakte 4:21

Council te in, nasia seseam in a kidop natu in, tawng a, thu a piak zawkciang suaktasak hi. Amate daan piak tu suak thei ngawl hi, banghang ziam cile mi theampo in thupiang sa sia tungtaang ah Pathian pok kim uh hi.

Galatia te 1:24

Tuabangin amate in kei hu in Pathian pok uh hi.