Luke 5:24 - Syin Chin Bible

²⁴ Tua ahikom mihing Tapa in, leitung ah mawnate maisak theina thu a nei hunlam kong lak tu hi,” ci hi. Tua zawkciangin pumzaw pasalpa munah, “Tho in, na lupna luak in a, inn ah cia ta'n, hong ci khi hi!” ci hi.

Luke 5:24 Iomraidhean Croise

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Matthew 16:13

Jesus in Caesarea Philippi khuahui ngamkhen ah pai a, tua munah, “Mihing Tapa sia ngual in akua ci ziam?” ci in a nungzuite dongh hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Matthew 4:24

Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Matthew 9:6

Mihing Tapa in leitung ah mawmaisak theina thu nei hi, ci in kong lak tu hi,” ci hi. Pumzaw pa munah, “Tho in, Na luppha luakin, na inn ah cia ta'n,” ci hi.

Luke 5:13

Jesus in a khut vaan a, ama tham in, “Hong thiangthosak nuam khi hi. Thiangtho ta'n!” ci hi. A natna teng thakhatin dam hi.

Luke 5:18

Mihing pawlkhat in pumzaw khat, a lupna taw zawng a, inn sung Jesus mai ah tumpui tu in hanciam uh hi.

Luke 5:23

‘Na mawna hong kimaisak zo hi,’ ci sia le ‘Tho in a lampai in,’ ci sia koisia ol zaw ziam?

Luke 7:14

Tuasia ciangin Jesus in mithi luang kung zuanin tham a, a kuang puate in din uh hi, Jesus in, “Tangval awng! Tho in kong ci hi!” ci hi.

Luke 8:54

Ahihang Jesus in numeino ii khut pan kaito in, “Ka tano awng, tho in!” ci hi.

John 11:43

Hi bang teng a ci zawkciang, awnging tatak taw au in, “Lazarus awng, hong pusuak ta'n!” ci hi.

John 17:2

Banghang ziam cile ama tungah na piaksa mi teng tawntung nuntakna a piak thei natu in, mihing theampo tungah thuneina ama tungah na pia zo hi.

John 3:13

Tuaciangin vantung pan a hong paisuk Mihing Tapa simngawl kuama vantung ah kaato ngeingawl hi,” ci in zo hi.

John 5:27

Tuaciang ama ii Tapa sia thukhen theina thupia zo hi, banghang ziam cile ama Mihing Tapa ahi hi.

Sawltakte 14:10

“Na peang taw dingmaam in!” nging takin ci hi. Pasalpa zongh kilawn to in, vak kawkoai hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Sawltakte 9:34

Peter in “Aeneas awng, Jesus Christ in hong damsak hi. Tho in a, na lupna zial in,” ci hi. Tha khat thu in, Aeneas tho hi.

Sawltakte 9:40

Peter in amate theampo inn doituam pua sangah pusuaksak a, khupdin in thungen hi; tuaciang mithi luang maingat in, “Tabitha awng, tho in!” ci hi. Numei in a mit hak a, Peter a mu ciang, hong to hi.

Thupualaakna 1:13

tuate kawmah mihing taw a kibang khat ka mu a, ama in a peang dong a tualsuk puan khat silhin, a awm kiimkot ah khamh kawngkhau khat vet hi.