Luke 5:22 - Syin Chin Bible

²² Jesus in amate ii ngaisutna teng he ahikom hi bangin ci hi. “Banghangin tuabangin ngaisun nu ziam?

Luke 5:22 Iomraidhean Croise

1 Khangtaanghthu 28:9

Tua ciang Solomon tungah ama in, “Ka tapa awng, na pa ii Pathian sia thusim in a, lungkaa ngawlin uuk tatakna taw ama na seam in. Ama in ih thinsung tawngh le ih ngaisutna theampo he siat hi. Ama kung na zuan le ama in nang hong saang tu a; na taisan le a tawntungin nang hong nungngat tu hi.

Psalm Late 139:2

Nangma in ka sep ka vawt theampo na he hi; ka ngaisutna theampo a khuala na panin na he hi.

Paunakte 15:26

Topa in ngitlo ngaisutnate ngaimaw hi; ahihang ama in kamthiamte diksa hi.

Isaiah 66:18

Amate ii ngaisutna le a nasepnate ka he hi. Ngam theampo ii mite khawmtua tu in kong pai hi. Amate hong pai khop uh ciang, ka vaangletna in bang vawt thei cisia mu tu hi,

Ezekiel 38:10

Hi sia in Vaanglianpipa Topa ii Gog tungah a son ahi hi: “Tua hun hong thet ciangin nang in thusia tupna khat na ngaisun tu hi.

Matthew 12:15

Jesus in ama a kithasawmna thu a zaak ciangin, tua mun panin ama mundang zuan a, mihon tam mama in zui uh hi. Ama in ciina theampo damsak hi.

Matthew 12:25

Jesus in amate khua ngaisutnate tel ahikom amate tungah, “Ngam khat pawpo pawl tuatuamin kikhen hen a, kidawdo le tua ngam a kip ngei buatu hi. Khuapi khat ahizong innkuan khat ahizong, pawl tuatuamin kikhenin, kihau siasua le a kitamhtham tu hi.

Matthew 9:4

Jesus in amate thinsung a ngaisut uhte he ahikom, “Banghangin tuabang thinsiatnate ngaisutin nei nu ziam?

Mark 8:17

Jesus in amate kikup tuamna teng tel paih ahikom, “Banghangin anluum nei ngawl huvau kikum nu ziam? Tel ngawl lai, he ngawl lai nu ziam? Na thin uh kiphel ngawl het ziam?

Luke 24:38

Ahihang ama in, “Banghangin patau nu ziam? Banghangin hi up laaknate na thinsung ah hong piang ziam?

Luke 5:21

Thukham hil syate le Phariseete in, “Pathian zawnsakna kampau hisia pa akua ziam! Mawna maisak thei sia, Pathian khat simngawl a dang om ngawl hi,” amate tetek kici uh hi.

Luke 5:23

‘Na mawna hong kimaisak zo hi,’ ci sia le ‘Tho in a lampai in,’ ci sia koisia ol zaw ziam?

Sawltakte 5:3

Peter in, “Ananias awng, banghangin Satan in na thin uksak a, Thaa Thiangtho theam in, na neisate zuak man sum aheap banghangin keam ni ziam?

Hebrew te 4:12

Pathian kammal in nungta a, thahat in, lang nii hiam namsau sangin hiam zaw hi. Ama in thaa le thinsung kisiktuana mun, ngu le taang ngungeak kipeena mun teng pailet hi. Ama in mihing deina le lungngulna te tungah thukhen hi.

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.