Luke 4:8 - Syin Chin Bible

⁸ Jesus in “Laithiangtho in na Topa Pathian bek na bia tu a, ama atu bekma na seam tu hi ci hi!” ci in zo kik hi.

Luke 4:8 Iomraidhean Croise

2 Kumpite 19:15

tuaciang, “Cherubim te ii tungsia na tokhum tungah a to, Topa Israel te ii Pathian awng, nang bekma Pathian na hi hi, leitung kumpi ngam theampo a uk pa na hi hi. Nangma in lei le van na bitphua hi.

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Matthew 16:23

Jesus kingeilee in, Peter munah, “Kei kung panin tai in, Satan awng! Nang sia kei mai hong khaktan na hi hi, banghang ziam cile hi khua ngaisutnate sia Pathian kung panin hong pai hi ngawlin, mihing pianzia sung pan hong pai ahi hi,” ci hi.

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Luke 4:4

Ahizong Jesus in, “Mihingte sia anluum bek taw nungta thei hi ngawl hi, ci in Laithiangtho sungah ki at hi,” ci in zo kik hi.

Luke 4:7

Kei hong bia lete hite theampo nangma ii neisa suak tu hi,” ci hi.

Thuhil kikna 10:20

Topa na Pathian ii thu ni in ama bek bia vun. Ama tungah thumaan in ama min bek suangin na kamciamna te vawt vun.

Thuhil kikna 6:13

Topa na Pathian zatak vawtin ama bek bia tavun a, ama min taw bekin kamciamnate vawt tavun.

James 4:7

Tua ahikom Pathian tungah ki aap vun. Doaimangpa nalh vun, tua hile note kung pan tai tu hi.

1 Peter 5:9

Na upna sungah kip vun a, ama na nalh vun, banghang ziam cile, leitung theampo a om na thu uppuite zongh a kibang ngimnate thuak hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.

Thupualaakna 22:9

Ahihang ama in kei tungah, “Kei hong bia heak in! Keima in nangma le na suapuite ahi kamsaangte le hi laibu sungah a om thute a zuite theampo taw naseam khawm khat ka hi hi. Pathian bia in!” hong ci hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.