Luke 4:6 - Syin Chin Bible

⁶ “Hi vaangletna le hi hauna theampo kong pia tu hi. Hite theampo keima khut sung a hong ki aapsa hi a, ka piak nop po ii tungah ka pia thei hi.

Luke 4:6 Iomraidhean Croise

Esther 5:11

Ama in a hauna teng, a tapa nei teng, kumpipa ii a za a laptona thu, le kumpi ulian dangte sangin a thupi zawkna thu teng amate tungah kisuangtaak hi.

Isaiah 23:9

Vaanglianbelpa Topa in ngeal hi. Amate ii nasepna tungah a kiphatsak nate a bo natu le a zatak mite maizum natu in Topa in ngeal hi.

Isaiah 5:14

Mithi khua in amate ne tu in kamkat hi. Tua in Jerusalem mithupite sia a ngamlum nautaang mihonte taw valhtum khawm tu hi.

Luke 4:7

Kei hong bia lete hite theampo nangma ii neisa suak tu hi,” ci hi.

John 12:31

Tu hun sia hi leitung ii thukhen thuak tu hun ahi hi; tu in hi leitung a ukpa kisuanthal tu hi.

John 14:30

No taw hun sauzaw thuson thei nawn ngawl tu khi hi, banghang ziam cile hi leitung a ukpa hong pai hi. Ama in kei tungah bangma vaang hong nei bua hi,

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

2 Corinth te 11:14

A lamdang hi ngawl hi! Satan ngawngawn zongh khuavak vantunglalang khat taw kibang tu in, kimealseal thei lai hi!

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

1 Peter 1:24

Laithiangtho in, “Mihing theampo sia lopa bang hi a, amate ii minthanna sia duisung paakte taw kibang hi. Tua lopa ko a, tua paakte pul hi.

1 John 5:19

Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

Thupualaakna 13:2

Tua nganhing sia pawlbeam bang hi a, a peang sia vom peang bang hi in, a kam sia tawpi kam bang ahi hi. Ngulpui in tua nganhing tungah, ama ii vaangletna, a kumpi tokhum le a lian thuneina teng pia hi.

Thupualaakna 13:7

Ama sia Pathian ii mihingte do tu le a zo tu in kivawt a, bee le phung, ngam, pau namcin le minamte tungah thuneina kipia hi.