Luke 4:43 - Syin Chin Bible

⁴³ Ahihang, amate tungah, “Pathian Ngam huvau, Lungdamna Thupha sia khuapi dangte zongh ah, ka hil kul tu hi, banghang ziam cile tua nasep seam tu ma in, Pathian ii hong sawlpa ka hi hi,” ci hi.

Luke 4:43 Iomraidhean Croise

Isaiah 48:16

“Tu in hong pai in ka kung hong neak tavun a, ka ci bang hong za tavun. A kipatciil a kipan a langh taakin thu ka son a, ka kammalte a tawntungin ka taangtungsak zo hi,” ci hi. (Tu in Vaanglianpipa Topa in a vaangletna kei hong pia zo a, kei hong sawl zo hi.)

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Mark 1:35

Zingtuung khuavak ma in, Jesus tho in tua inn nusia hi. Khuapi puasang a ngamkhingna mun khat ah pai in thungen hi.

John 20:21

Jesus in, “Note sungah thinnopna om tahen,” “Pa ii kei hong sawl bangma in, kei in note kong sawl hi,” ci kik hi.

John 9:4

Sun hun laiteng in kei hong sawlpa na ih sep kul tu hi; kuama ii na a sep thei ngawl zan hun hong theng tu hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

2 Timothy 4:2

ngupna thu sia thuhilna in na nei in, (a hun a lem zong, a lem bua zong) upsak natu, teih natu, hanthot natu in thinsauna taw na thansak natu na vawt hamtang in.