Luke 4:41 - Syin Chin Bible

⁴¹ Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 4:41 Iomraidhean Croise

Matthew 26:63

Ahihang Jesus a huthe bua hi. Khatvei ma Thiampi Lianbelpa in ama tungah, “A nungta Pathian min taw nang sia kiciamna hong vawtsak khi hi: Pathian Tapa Messiah na hi ziam, hong son ta'n,” ci hi.

Matthew 4:3

Tuasia ciang Doaimangpa hong pai a, “Pathian Tapa na hi le suang hite anluum suaksak in,” ci hi.

Matthew 8:16

Nitak ciang mihingte in Jesus kungah doaivei tam mama hong paipui uh hi. Jesus in thaa ngilote kammal khat taw notkeak a, tuaciang ciina theampo damsak hi.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Matthew 8:4

Tua zawkciang Jesus in, “Ngai in, kuama munah son heak in a, thiampipa kungah pai vingveng in, na pumpi vealsak ta'n; na damna thu ngual theampo hong heak natu in, Moses thupiak bangin sangaw biakpiakna vawt ta'n,” ci hi.

Mark 1:25

Jesus in doai munah, “Pau heak in, pasalpa sung pan hong pusuak ta'n!” ci in thupia hi.

Mark 1:32

Ni tumin nitak hun a thet ciang, mihingte in Jesus kungah, ciinate le doaiveite paipui uh hi.

Mark 1:34

Jesus in natna satna namcin taw a na theampo damsakin, doaivei tam mama a doai nawkeaksak hi. Ama in doaite ii pau tu khaam hi, banghang ziam cile amate in Jesus sia akua ziam ci in he uh hi.

Mark 3:11

Thaa ngilo vei mihingte in a mu uh ciangin, amate mai ah puk in, cik-au uh a, “Nang sia Pathian Tapa ni hi” ci hi.

Luke 4:39

Ama lupna ah Jesus pai in, ciina nu kungah ding a, ciina nu ciisuk natna pan a dam natu in thupia hi. A ciisuk hong thai a, thakhatin tho in, amate zindo hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

James 2:19

Pathian khat bek om hi, ci in na um uh ziam? Pha hi! Doaite zongh in um a — kiitakna taw liing hi.