Luke 4:35 - Syin Chin Bible

³⁵ Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 4:35 Iomraidhean Croise

Psalm Late 50:16

Ahihang Pathian in mi seksolte munah, “Banghangin ka thupiakte lotnga nu ziam? Banghangin ka thuciam sia thu sonin nei tu nu ziam?

Zechariah 3:2

Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.

Matthew 17:18

Jesus in doai tungah thupia a, tuasia ciangin patang sung pan doai pusuak a, tua hun lian ma in a patang sia dam hi.

Matthew 8:26

Jesus in, “Banghangin tuaza liangin lau nu ziam? Na upna uh bangza in no ziam?” ci hi. Tua zawkciang ama dingto a, vuipi le tuihualte a thim natu in thupia a, tuasia ciangin thim dide hi.

Mark 1:26

Doai in pasalpa thing zazaan a, a nging in a cik-au zawkciang pasalpa sung pan pusuak hi.

Mark 4:39

Jesus tho a, vuipi tungah “Thim vun,” ci a, tuihual tungah “Kilok heak vun!” ci in thupia hi. Vuipi tawlnga in tuihual thim dikdek hi.

Mark 9:26

Thaa ngilo cik-au a, patang sia nasia takin a kikaikinsak zawkciang pusuak hi. Patang sia mithi luang bang hi a, a kuama po in “Ama thi zo hi,” ci uh hi.

Luke 11:22

Ahihang a hat zaw khat in ama simin a zo le, a suan a muan ngalhiam theampo sut tu a, tua pa ii neisa ngalvanh teng ama in ngual hawmsak tu hi.

Luke 4:23

Amate munah, “ ‘Syavuan pa awng, nangma le nangma kidamsak phot in,’ ci paunak sia kei tungah hong zangh tu ci in kong up nginge ma ahi hi. Tua bek dom ngawlin, Capernaum khua ah a kivawt na zaak uhte hi lai ka khua zongh ah vawtin hong sawl lai tu nu hi.

Luke 4:39

Ama lupna ah Jesus pai in, ciina nu kungah ding a, ciina nu ciisuk natna pan a dam natu in thupia hi. A ciisuk hong thai a, thakhatin tho in, amate zindo hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 8:24

Nungzuite in Jesus kung pai in phong a, “Topa, Topa! Ei teng thi dektak zo hing!” ci uh hi. Jesus tho in vuipi le tuihualte thupia a, tuate thimin, dai dide hi.

Luke 9:39

Doaite khat in au khat sua in, ama man a, ama ii kam pan cilphuan tha in butthi kaikinsak a, tawlnga ngawlin vawtsia a, thasua nuam ngawl hi.

Luke 9:42

Patang sia hong paipui laitakin doai in lei denna in nei a, butthi in kaikinsak hi. Jesus in thaa ngilo tungah thupia a, patang sia damsakin, a pa tungah aap kik hi.

Thupualaakna 12:12

No, vantungte le tua munah a teangte awng, lungdam vun! Ahihang leitung le tuipi atu bangzata in lauhuai ziam! Banghang ziam cile doaimangpa sia no kungah hong pai suk zo a, hun tawm cilik bek nei lai ahi hunlam he in, thangsiatna taw kidim hi,” a ci hi.