Luke 4:32 - Syin Chin Bible

³² Ama thuhil zia lamdang sa uh hi, banghang ziam cile ama in thuneina taw pau hi.

Luke 4:32 Iomraidhean Croise

Mark 1:22

A thuhilna a za mihingte in ama thuhil zia lamdang sa uh hi, banghang ziam cile, Thukham hil syate bang hi ngawlin, ama in thuneina taw thuhil hi.

Luke 2:47

Ama ii ciim kammal taw a zona te a za theampo in lamdang sa uh hi.

Luke 4:33

Synagogue sungah doai ngilo khat ii thaa a vei pasal khat om a, ama in nging takin ciik au hi.

Luke 4:36

Mihing theampo in lamdang sa uh a, khat le khat hi bangin kici uh hi. “Tu a kammalte bangbang kammal ziam? Thuneina le vaangletna taw hisia pa in, thaa ngilote thupia a, tuaciang amate pusuak hi!” ci uh hi.

John 6:63

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

John 7:46

Biakinn cingte in, “Hisia pa bangin, kuama kampau ngei om ngawl hi,” ci uh hi.

2 Corinth te 4:2

Thuku theampo le a maizumhuai ngamtat nate theampo ka vawk uh hi; theamna taw na ka seam bua uh a, Pathian ii kammal zongh leilot thu ka suaksak bua uh hi. Pathian muna ah thumaanna ii a kicing khuavak sungah ka nungta uh a, mihing sim ii a pha in a tel thei natu ka hanciam uh hi.

1 Thessalonica te 1:5

Banghang ziam cile Lungdamna Thupha sia, kammal nguak taw hi ngawlin, vaangletna le Thaa Thiangtho taw zongh le a thumaan thutak saan tatakna taw no kungah kong puak uh hi. Note taw ka om uh lai in bangbangin nungta khu ziam ci in nong he uh hi; tuate in noma ii phat natu ahi hi.

Titus 2:15

Na thu hong ngaite, na hanthot ciang le na hil na pau ciangin nangma thuneina theampo na zangh in a, hi thute na hil ta'n. Amate kuama in nangma nomusak heak in.