Luke 4:25 - Syin Chin Bible

²⁵ “Hong ngai tavun: Elijah hun sung kum thum le kum lang nguatui kang a, ngam bup kialpi a tun laitakin Israel ngam sungah meingong tam mama om hi.

Luke 4:25 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

Isaiah 55:8

Topa in, “Ka ngaisutnate note ii ngaisutna taw kibang ngawl a, ka paiziate note ii paizia taw kilamdang hi.

Matthew 20:15

Keima sum tungtaang ah ka uuk bang po in, zeak thei natu thunei hi kana ngawl khi ziam? Ngo takin ka piakte banghangin eang nu ziam?’ ci in zo hi.”

Luke 10:21

Tua hun laitakin Jesus Thaa Thiangtho in lungdamna taw kidimsak a, hi bangin ci hi. “Van le lei ii Topa ahi Pa awng! Na tungah ka lungdam hi, banghang ziam cile mihing pilte le mihing ciimte mun panin na seal thute pilna a nei ngawlte tungah na lak hi. Hi hi, Pa awng, hi bang tu ma na deina ahi hi,” ci hi.

Romete 9:15

Banghang ziam cile Moses tungah, “Ka hesuak nopte ka hesuak tu a; ka mulkim nopte ka mulkim tu hi,” ci hi.

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.

Ephesus te 1:11

Na theampo sia Pathian ii tupna le khensatna bangin kiseam a; Pathian in a kipatciil pan mama in a khensatsa thu bulphu in, ama ii tupna hu in eite Christ taw kipumkhat a, ama aituam mihingte ih sua natu in hong teal hi.

Ephesus te 1:9

Pathian in a tupna sa bangin vawt a, a pawlcing tu in a khensat sa ama tupna thuku sia Christ zanghin, eite hong hesak hi.

James 5:17

Elijah zong eima bangma mihing khat ahi hi. Ama in ngua a zuk ngawl natu in, nasia takin thungen a, kum thum le kum lang nguatui hang hi.

Thupualaakna 11:6

Amate in van khakbil in Pathian thu vaithak a thansak hun sungin, ngua a zuksak ngawl natu in thunei uh hi. Amate in ciktuite chisan a suasak thei natu thunei si uh hi; tuaciang amate in a uuk ni sim po in, leitung sia ngimna lian nam theampo taw ngim piak thei natu zongh thunei uh hi.