Luke 4:23 - Syin Chin Bible

²³ Amate munah, “ ‘Syavuan pa awng, nangma le nangma kidamsak phot in,’ ci paunak sia kei tungah hong zangh tu ci in kong up nginge ma ahi hi. Tua bek dom ngawlin, Capernaum khua ah a kivawt na zaak uhte hi lai ka khua zongh ah vawtin hong sawl lai tu nu hi.

Luke 4:23 Iomraidhean Croise

Matthew 13:54

ama ii khua ah cia hi. Ama in Synagogue ah hilna nei a, a zate in lamdang sa uh hi. “Koisung panin ciimna hi bangte nga ziam? A nalamdang vawtte bangbangziam?

Matthew 4:13

Ama Nazareth khua ah taam ngawlin, Zebulun le Naphtali ngamsung Galilee tuili hui khuapi Capernaum ah teang tu in pai hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Mark 6:1

Jesus in tua mun nusia in ama khua Nazareth ah cia kik a, a nungzuite in zui uh hi.

Luke 2:39

Joseph le Mary in Topa Thukham zeksate a sep tu teng a sep zawkciang Galilee ngam Nazareth khua a inn uh zuan kik hi.

Luke 2:51

Tua ahikom Jesus amate taw Nazareth ah heak kik a, tua munah amate thu ni in om hi. A nu in hi thute theampo a thinsung ah keam hi.

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,

Luke 4:31

Tua zawkciangin Jesus Galilee ngam Capernaum khua ah pai a, Sabbath ni in mihingte tungah thuhil hi.

Luke 4:35

Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 6:42

Na suapuipa munah, ‘Suapui awng nong hesuakna in, na mittang sungah ninteak sia hong laakkeaksak tong,’ na ci hang, nangma mittang sung a thingluang sia zongh mu thei ngawl hi ngawl ni ziam? No a kihitheamsakte awng! A masa phit in noma mittang sung a thingluang sia lakeak phot vun, tuasia zawkciangin na suapuipa mittang sung pan ninteak sia na laak thei natu in, a thiang takin, na mu thei tu uh hi.

John 4:28

Tuasia ciangin tua numei in a tuibeal nusia in, khua sungah heak kik a, tualai mihingte munah,

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.