Luke 4:2 - Syin Chin Bible

² tua munah Doaimangpa in ni sawmli ze et hi. Tua hun sung teng theampo bangma neak nei ngawl ahikom, tua hun a bo ciangin a ngilkial hi.

Luke 4:2 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

1 Kumpite 19:8

Elijah tho in a neak ciang tua an in ni 40 sung mual thiangtho Sinai dong a pai khom natu thangui thatang nguan hi.

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Pusuana 24:18

Mualtung meei sungah Moses kaato hi. Tua munah Moses sun sawmli le zan sawmli om hi.

Pusuana 34:28

Tualai ah Moses an le tui ne ngawlin, sun sawmli le zan sawmli sung Topa taw omkhawm hi. Moses in Thupiak Sawmte ahi- thuciamna kammalte suangpheak tungah at hi.

Jonah 3:7

Ama in Nineveh khua mite tungah thu thansakna khat puak a: “Hi thu in kumpipa le a uliante tung pan thu piak khat ahi hi: kuama in bangma ne ngawl tu hi; mi theampo, khuite le tuute an, ahibuale a tuidawn tu kikhaam hi.

Matthew 21:18

Zingtuungin khua sung sang hong zot kik ciang, Jesus a ngilkial hi.

Matthew 4:2

Sun sawmli le zan sawmli an ne ngawlin a om zawkciang Jesus ngilkial hi.

Luke 4:3

Doaimangpa in “Pathian Tapa na hi le, suang hi sia anluum a sua natu in thupia in,” ci hi.

John 4:6

Jacob ii tuikhuk tua munah om a, Jesus sia a khualhawna pan toi in, tua tuikhuk hui ah to hi. Tua hun sia sunkim khawng ahi hi.

Thuhil kikna 9:18

Tua zawkciang khatvei ma ni sawmli le zan sawmli sung, anne ngawl tuidawn ngawlin Topa mai lei ah ka bok kik leleau hi. Tuabang ka hina sia Topa tungah maw in a thin na uuksak uh hang ahi hi.

Thuhil kikna 9:25

“Ama ii note mot tu a khensat sia he ka hikom, Topa mai ah sun sawmli le zan sawmli sung lei ah ka bok hi.

Thuhil kikna 9:9

Topa ii note taw thuciam a vawt sia a ki atna suangpheakte a saang tu in mual tungah ka kaato hi. Tualai ah sun sawmli le zan sawmli ka om a, an le tui ka ne bua hi.

Hebrew te 2:18

Tu in ama in ze etna a thuakte sia hu thei hi. Banghang ziam cile ama mama zongh kize et zo a, thuak ngei zo hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.

1 Samuel 17:16

Goliath in Israel te zing sim nitak sim, ni sawmli sung sitset thato hi.