Luke 4:18 - Syin Chin Bible

¹⁸ “Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

Luke 4:18 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

2 Khangtaanghthu 34:27

tuaciang Jerusalem le a mite daan piak tu ka tawnna na zaak ciang kiniamkhiakna le kisii kikna taw ka mai ah na puansilh eaukeak in kap ni hi. Na thungetna hong za zo khi hi.

Psalm Late 102:20

Ama in thongtaakte tauna za a, thi daan a kipiate suaktasak hi.

Psalm Late 147:3

Ama in thin kitamhte damsak a, a liammate tuamsak hi.

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 34:18

Topa in a thinkiam mihingte taw a kinai in om a, lametna a nei nawn ngawlte hun hi.

Psalm Late 45:7

a maan na dei a, a siate na ensan hi. Tua hu in nangma ii Pathian in nang hong teal zo a, kumpi dang khat po sangin na tungah lungdamna a tamzaw hong buak zo hi.

Psalm Late 51:17

Pathian dei sangaw biakpiakna sia a kiniamkhiak thinsung ahi hi; Pathian awng, a kiniamkhiak le a kisiik kik thinsung na nial bua hi.

Isaiah 32:3

Tuaciang amate ii mit le bil in mihing cimawte kisapna mu in, za tu uh hi.

Isaiah 35:5

Mittawte in khuamu thei tu uh a, nangongte in khuaza tu uh hi.

Isaiah 42:7

Nangma in mittawte ii mitte na hong tu a, thongzing sungah a tote na suatak tu hi.

Isaiah 45:13

Ka tup ka sawmna bang a taangtut thei natu le nate a maan a sua natu a seam tu in Cyrus ka thaw hi. Ama ii khualhawna lampi theampo ka tangsak tu hi. Ama in ka khuapi, Jerusalem sa kik tu a, koltaang ka mite suaktasak tu hi. Hi thu vawt tu in kuama in ama cial ngawl hi, ahibuale sumnguk pia ngawl hi” ci hi. Vaanglianbelpa Topa in son zo hi.

Isaiah 49:9

Keima in thongtaak mite tungah, ‘Suakta takin pai vun!’ ka ci tu a, khuazing sungah a omte tungah, ‘Khuavakna ah pusuak vun!’ ka ci tu hi. Amate sia mual tungah a taa tuute taw kibang tu uh hi;

Isaiah 50:4

Vaanglianpipa Topa in a ngim a toite ka thahatsak thei natu in ka pau tute hong hil zo hi. Ama ii hong hil tute ka ngai thei natu in zing simin ama in kei hong thalawpsak hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 59:21

Note taw thuciamna khat ka vawt hi: ka vaangletna le ka thuhilnate a tawntung atu in note kong pia zo hi, tu pan kipan note in ka thu nong ni tu uh a, na tate le na suan na paalte in a tawntungin ka thu hong nit natu uh in na hil tu uh hi,” ci hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Ezekiel 9:4

“Jerusalem khuapi bup sungah va pai ta'n a, khuapi sungah a kivawt, a kiihuai nate theampo hu in, a khuangai a thinngim theampo ii talki tungah tepteena vawt ta'n,” ci hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Zephaniah 3:12

A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Zechariah 11:11

Tua ahikom tua thuciamna sia, tua ni in kiphiat hi, tuu a zuak le a leite in kei hong en nginge a, ka sep ka vawtte tungtawnin Topa in thuson ahi hunlam he uh hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Matthew 12:20

Ama in a kikuaikhum sa pumpa a thiaktan buatu a, a mit dek tak meiinn zongh a mit buatu hi. Ama in thutang khenna ii zawna a ngasak dong hanciam tu hi.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Luke 4:17

tuaciangin kamsaang Isaiah ii laibu aap uh hi. Laizial phel a, hi bang a ki atna mun mu hi.

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

Luke 7:22

Ama in John ii kamtaite tungah, “John kungah heak kik tavun a, na mu uh na zaak uh teng son tavun: mittawte in khuamu a, peangbaite pha tak lampai thei a, a lauhuai vun natna veite kidamsak a, nangongte in khuaza a, mithite kitho kiksak a, a zawngte tungah Lungdamna Thupha kihil hi.

John 1:41

Thakhatin a suapuipa Simon mu in hi thu ko hi. “Ko Messiah mu zo khu hi,” (Hi kammal sia Christ a cinopna hi) ci in ko hi.

John 12:46

Kei hong um peuma khuazing sungah a omcip ngawl natu in leitung ah khuavak bangin kong pai zo hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Sawltakte 4:26

Leitung kumpite in amate le amate kithoai kholin, tuaciangin ukpite kikhawmtua a, Topa le ama ii Messiah langpan uh hi.’

Sawltakte 4:27

Banghang ziam cile Herod le Pontius Pilate in hi khuapi ah Gentile te le Israel mite taw kisitua in, a thiangtho na Naseampa Jesus, Messiah tu a, na vawt pa sia langpan takpi uh hi.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.