Luke 4:17 - Syin Chin Bible

¹⁷ tuaciangin kamsaang Isaiah ii laibu aap uh hi. Laizial phel a, hi bang a ki atna mun mu hi.

Luke 4:17 Iomraidhean Croise

Luke 16:29

Abraham in, ‘Na suapuite in Moses le kamsaangte nei hi. Tuate ii hilkholnate ngai tahen,’ ci hi.

Luke 20:42

Banghang ziam cile David ama mama in Psalm thubu sungah, “Topa in ka Topa ii tungah: Hi sung ka ziatsang ah hong to tan

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

Luke 4:20

Jesus in laizial zialin, a keampa tungah a aap kik zawkciang ama to hi. Synagogue sungah a to theampo in, ama lamdang et tek uh a,

Sawltakte 13:15

Moses Thukham le kamsaangte lai atte a sim zawk uh ciangin, synagogue uliante in: “Suapuite awng, hanthot nopna thupuak nong nei uh le, mihingte tungah nong son tu ka dei uh hi,” ci hi.

Sawltakte 13:27

Tua in banghang ziam cile, Jerusalem ah a om mihingte le a lampuite in ama sia Hunpa ahi hunlam he ngawl a, Sabbath ni sim a kisim kamsaangte ii kammalte zongh a tel bua uh hi. Ahihang amate in Jesus a puavawk na uh taw, kamsaangte sonna teng, a taangtungsak a suak hi.

Sawltakte 7:42

Tua ahikom Pathian in amate nungngat in, kamsaangte laibu sungah, a om bangma in, van a aksite bia tu in thazau hi: ‘Israel mite awng! Kum sawmli tawntung sennealngam sungah, sa na ngo uh a, nganhing taw biakpiakna, na vawt uhte sia, kei tungah hong vawt na hi bua uh hi.