Luke 4:15 - Syin Chin Bible

¹⁵ Ama in synagogue sungah hilna nei a, a kuama po in pok hon uh hi.

Luke 4:15 Iomraidhean Croise

Isaiah 55:5

Tu in note in ngamdang minamte na sam tu uh hi; khatvei lai in amate in note hong he ngawl uh hi, ahihang tu in note taw kikop tu in hong tai tu uh hi! Keima, Topa na Pathian, Israel te ii a thiangtho Pathian in, hi te theampo ka piangsak tu a; minthanna le upatna note kong pia tu hi,” ci hi.

Matthew 13:54

ama ii khua ah cia hi. Ama in Synagogue ah hilna nei a, a zate in lamdang sa uh hi. “Koisung panin ciimna hi bangte nga ziam? A nalamdang vawtte bangbangziam?

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Matthew 9:35

Jesus in khuapi khuanote ah vakkotin haw kawkoai hi. Synagogue te ah hilna nei in Kumpingam Lungdamna Thu, thuhil in nei a, natna satna namcin le ciluang natna damsak hi.

Matthew 9:8

Mihonte in a mu uh ciangin liinglawng uh a, mihingte tungah tuabang thu nei theina a piak hu in, Pathian pok uh hi.

Mark 1:27

Mihingte theampo in lamdang mama sa uh a, “Bangbang thu hi thong ziam? Tu a sia kihilna thak khat ahi ziam? Hisia pa in doaite tungah thunei a, thu a piak ciangin doai in a thu ni hi!” ci in khat le khat kikum uh hi.

Mark 1:39

Tua hi a, ama in Galilee ngam bup synagogue te ah thuhil in doaite not hi.

Mark 1:45

Ahihang pasalpa pai in mun theampo ah hi thupiang sia son kawkoai hi. Pasalpa in nasia tak son ahikom Jesus sia khuapi khat pawpo ah, mipite ii mutang in, a tum ngam nawn bua hi. A ngamkhingna munte ah ama om a, mihingte in mun theampo panin ama kung zuan uh hi.

Luke 13:10

Sabbath ni khat Jesus in synagogue khat ah thuhilna nei hi.

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,