Luke 4:1 - Syin Chin Bible

¹ Jordan ngun panin, Jesus sia Thaa Thiangtho taw kidim in, hong heak kik a, tua Thaa in senneal ngamsung dong lampui in paisak hi,

Luke 4:1 Iomraidhean Croise

1 Kumpite 18:12

Ka pai po ciang Pathian ii thaa in nang sia heak ngeingawlna mundang khat pawpo ah hong tua luilam le bang law tu khi ziam? Tuasia ciang Ahab munah nang hi sungah om hi ka ci ciang, ama in hong mu zo buale kei hong thatlum tu hi. Ka no ciang a thu um, Topa a biapa ka hi hunlam sia ciamtee in.

1 Kumpite 19:4

Elijah sia nitangtum duisung ah a peangin pai hi. Ama in thinglim nuai khat ah tawlnga in to a, tuaciang thithei le uuk hi. “Nasia leih hi, Topa awng, ka nuntakna hong laaksak ta'n; thi leng zong phazaw tu hi,” ci in thungen hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Matthew 3:16

Jesus tui a kiphum zawk po ciang tui sung pan hong pusuak to hi. Tuaciang ama atu van kihong a, Pathian ii Thaa ngam vakhu bangin hong tuaksuk in, ama tungah hong tusuk a mu hi.

Luke 2:27

Thaa Thiangtho in lampui a, Simeon Biakinn sungah tum hi. A nu le a pa in patangno Jesus sia thukham zeksa teng vawt tu in, Biakinn sungah a paipui uh ciangin,

Luke 3:3

Tua ahikom John in Jordan Ngundung ngamkuam bup ah thuhil a, “Na mawna uh kisiik kik vun a, tui kiphum vun, tua hile Pathian in na mawna uh hong maisak tu hi,” ci hi.

Luke 3:38

Enosh ii tapa Kenan, Seth ii tapa Enosh, Adam ii tapa Seth, Pathian ii tapa Adam.

Luke 4:14

Tua zawkciangin Jesus Galilee ngam ah heak kik a, tuaciangin Thaa Thiangtho vaangletna sia, ama taw omkhawm hi. Ngamkhen sung bup ah, ama thu hong thang hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

John 1:32

Tuaciang in John in hi bangin tetti pang hi: “Thaa sia vantung panin ngam vakhu bangin hong tuaksuk a, ama tungah hong tu ka mu hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Sawltakte 1:2

ama vantung ah a kilaakto ni dong, huam hi. A kilaak to ma in, sawltak tu a tealte tungah Thaa Thiangtho vaang taw thupiakna nei hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 8:39

Tui sung pan hong kaato uh ciangin, Topa Thaa in Philip la hi. Ulianpa in ama mu kik nawn ngawl ahihang, lungdamna taw kidim in, a pai ngei in paisuak hi.