Luke 3:8 - Syin Chin Bible

⁸ Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!

Luke 3:8 Iomraidhean Croise

Nehemiah 5:11

No tungah amate hong bat — dangka, antang, sapittui ahibuale olive thau teng theampo maisak siat tavun. A lote, a sapithuante, a olive huante le a innte thakhat ma in amate pia kik paih vun!” ka ci hi.

Ezekiel 33:24

Ama in, “A thithei mihing awng, Israel ngam sungah a siacip sa khuapite sungah a teang mite in: ‘Abraham sia mihing khat bek hi a, ama tungah ngam bup kipia hi. Ei, mihing tam mama ih hiciang, tu in tua ngam sia eima ngam ahi hi,’ ci uh hi.

Matthew 21:43

“Tua ahikom kong ci hi, Pathian Ngam sia no kung pan in, kila tu a, nga pha a piangsak mihingte tungah kipia tu hi.

Matthew 3:8

Mawna pan kisii kikna lim kilanghsak vun.

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

Luke 13:25

Inn nei pa in tho in, kongkha hong khak tu hi. Tuasia ciang doipua pan in, kongkha king in, ‘Topa kong hong hon ta'n,’ na ci uh hang, ‘No koisung pan hong pai ci hong he ngawl khi hi,’ ci tu hi.

Luke 13:26

Tuasia ciang, ‘Nang taw annekhawm tuidawn khawmte khu hi, ka khuapi sung a thu zongh hong hil ni hi!’ na ci uh hi.

Luke 14:9

no hong sam khawm innteakpa in no kungah hong pai in, ‘Ama na tona awn in,’ hong cile nuammaw sa in a niambel tona dangkhat ah na to uh hong kul tu hi.

Luke 19:40

Jesus in “A tatakin ka ci ciang, amate in a thim uh le, suangtumte mama in au tu in hong kipan tu hi,” ci hi.

Luke 19:9

Jesus in ama tungah, “Ngupna sia tuni in hi bangkua ah hong theng hi; banghang ziam cile hisia pa zongh Abraham ii suan khat ahi hi.

Luke 5:21

Thukham hil syate le Phariseete in, “Pathian zawnsakna kampau hisia pa akua ziam! Mawna maisak thei sia, Pathian khat simngawl a dang om ngawl hi,” amate tetek kici uh hi.

John 8:33

Amate in, “Ko in Abraham suante hi a, kuama ii sila hi ngeingawl khu hi. Tua hi a, ‘Na suakta tu uh hi’ na ci sia bang na cinopna ziam,” ci in zo hi.

John 8:39

Amate in, “Ko ii pa sia Abraham hi,” ci in zo uh hi. Jesus in, “Abraham ii tate hi takpi le uhte, ama ii vawt teng ma vawt tu nu hi.

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

Romete 4:16

Pathian kamciam in upna bulphu in nei a, tua ahikom Abraham suan le paal Thukham tangte bek hi ngawlin — Abraham up bangin a umte theampo tungah man nei ngawlin a piak tu in kho takin vawt hi. Banghang ziam cile Abraham in eite theampo ii thaa lam sangah ih pa ahi hi.

Romete 9:7

Abraham ii suan theampo zongh Pathian ii tate hi siat ngawl hi. Pathian in Abraham tungah “Nang kong kamciamna panin na suan le na paalte Isaac tungtawnin na nei tu hi,” ci hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.