Luke 3:7 - Syin Chin Bible

⁷ Mihonpite sia John ii tuiphum tu in, hong pai tek uh hi. Amate tungah, “No ngul honte awng, Pathian ii hong tunsak tu daan pan, suakta thei tu nu hi ci in akua in no hong son ziam?

Luke 3:7 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Isaiah 59:5

A sia vawt tu na sawmnate sia nguu nei ngulpui khat ii tuuite bang ahi hi. A tuui khat sutham lete ngul khat pusuak hi! Ahihang a sia na tup na sawmte in nang tungah phattuamna hong pia ngawl tu hi — tuate sia momkhau taw a kitak puan bangin a luithawthong hi tu hi.

Matthew 12:34

No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 23:33

Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 3:6

Amate in a mawna uh pualaak a, tuaciangin Jordan ngun sungah ama in tuiphum hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

Hebrew te 6:18

Tua hi a, thu nam nii om hi, tuate sia kikheal thei ngawl a, Pathian in tua thute taw kisai in leilot thei ngawl hi. Tua ahikom ama sungah ngammuanna a ngate in, ih mai ah hong kikoi lametna sia kho takin ih let natu in nasia takin hanna ih nei hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.