Luke 3:3 - Syin Chin Bible

³ Tua ahikom John in Jordan Ngundung ngamkuam bup ah thuhil a, “Na mawna uh kisiik kik vun a, tui kiphum vun, tua hile Pathian in na mawna uh hong maisak tu hi,” ci hi.

Luke 3:3 Iomraidhean Croise

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Luke 1:16

Tuaciangin ama in Israel mite tam mama amate Topa Pathian kungah zotpui kik tu hi.

Luke 1:77

Ama mihingte tungah mawna kimaisakna taw ngupna piang tu hi, ci in na son tu hi.

Luke 4:1

Jordan ngun panin, Jesus sia Thaa Thiangtho taw kidim in, hong heak kik a, tua Thaa in senneal ngamsung dong lampui in paisak hi,

John 1:28

Hi thu theampo sia John ii tui a phumna Jordan Ngun ii nisuana sangah a om Bethany khua ah piang hi.

John 3:26

Tua ahikom amate John kungah pai in, “Syapa awng, Jordan ngun nisuana sangah nang taw a om ngei ama thu na sawson sia, na ciamtee lai ziam? Tu in ama zongh in, tuiphum a, a kuama po in, ama kung zuan tek uh hi!” ci hi.

Sawltakte 13:24

Jesus in a nasep a kipat ma in, John in Israel te theampo a mawnate uh pan, kisiik kik hamtang in, tui a kiphum uh kul tu hi, ci in thuhil hi.

Sawltakte 19:4

Paul in, “John ii tuiphumna sia in mawnate pan a kisiikte atu ahi hi; tuaciang ama in Israel te tungah, ama nung pan hong paipa na um vun — - tua pa in Jesus hi,” ci hi.

Sawltakte 22:16

Tu in banghang ngangak lai ni ziam? Tho in a, tui kiphumin, ama tung thungetna taw, na mawnate, kisilthiangsak in,’ hong ci hi.