Luke 3:16 - Syin Chin Bible

¹⁶ Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi.

Luke 3:16 Iomraidhean Croise

Paunakte 1:23

Kong teih ciangin hong ngai tavun; ngaisutna pha kong pia tu a, ka heaknate kong hawm tu hi.

Isaiah 32:15

Ahizong Pathian in ama thaa khatvei ma hong puak kik tu hi. Leisiate leipha suak kik tu a, lo panin an tam mama piang tu hi.

Isaiah 4:4

Topa in ama ii vaangletna taw minam tung thukhenin thiansua tu a, Jerusalem ii mawna le tua munah chi kibua sia silthiang tu hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

John 1:26

“Kei in tui taw tui kong phum hi, ahihang no sungah na heak ngawl uh khat om hi.

John 1:27

Ama sia kei nung panin hong pai ahihang ama peangdap suut tu zong ka kilawm bua hi,” ci in John in zo hi.

John 1:33

Ama sia tua pa ahi hunlam telcian tatak ngawlin ka om lai hi, ahihang tui taw tuiphum a hong sawl Pathian in, ‘Thaa sia hong paisuk in mihing khat ii tungah, hong tuaksuk na mu tu hi; ama sia Thaa Thiangtho taw hong baptize tu pa hi,’ ci in hong son zo hi.

John 7:38

Laithiangtho ii ci bangma in, kei hong um peuma in ama sung pan nuntakna a pia luitui hong luang tu hi,” ci hi.

Sawltakte 1:5

John in tuidam taw tui hong phum hi, ahihang ni tawmvei no sungin, note Thaa Thiangtho taw na ki baptize tu uh hi,” ci hi.

Sawltakte 10:44

Tuabangin Peter a papau laitakin, thu ngai theampo tungah, Thaa Thiangtho tuaksuk hi.

Sawltakte 2:33

Ama sia Pathianziatsang ah to tu in kiphong a, ama in, a Pa kamciam bangma in, Thaa Thiangtho saang hi. Tuaciangin tu a na mu uh na zaak uh sia, ama letsong kote tungah hong buaksuk sia ahi hi.

1 Corinth te 12:13

Tuasia bangma in, eite theampo sia Jew te ih hizong, Gentile te ih hizong, sila le sila ngawlte ih hizong, a kibang Thaa khat in, pumpi khat sungah hong ki baptize a, tuaciangin ih dawn tu in Thaa khat sia ei theampo hong kipia zo hi.