Luke 24:5 - Syin Chin Bible

⁵ Numeite lau mama in, a kun uh ciangin, tua mihingte nii in, “A thisate ii omna munah, banghangin a nungta khat hong zong nu ziam?

Luke 24:5 Iomraidhean Croise

Daniel 10:16

Tuaciang mihing taw a kibang tua vantunglalang in a khut hong thaak a, ka muk hong thamsak hi. Keima in ama tungah, “Syapa awng, hi mukholna in ka tha hong zawmsak mama a, ka ciliing a thai thei bua hi.

Daniel 10:19

Ama in, “Pathian in nang hong it hi, tua ahikom bangma in na thinngimsak heak in a, lausak heak in,” hong ci hi. Hi teng a ci zawkciang ka tha hatzaw seseam ka sa a, “Topa awng nong son tu po hong son ta'n. Ka ci hong damsak zaw ni hi,” ka ci hi.

Luke 1:29

Mary sia vantunglalang ii thupuak huvau in, thinngim mama a, ama kammalte ii khiaknate ngaisusun hi.

Luke 24:4

Hi thu lamdang sa in, tua munah a din laitakin, thakhat thu in mihing nii, a taang mama puansilh in, amate kungah ding uh hi.

Luke 24:6

Ama hi sungah om ngawl hi; ama kitho kiksak zo hi. Galilee aa a om lai, no tung a hong thusonte phawk kik tavun.

Sawltakte 2:24

Ahihang Pathian in ama sia, a thite kawm pan phong kik a, thina vaang panin suaktasak hi, banghang ziam cile, thina in ama thong sungah a khumcip tu sia suak thei ngawl hi.

Hebrew te 7:8

Thiampite tungtaang a, see sawm sua see khat sia, a thithei mihingte in la hi. Ahihang Melchizedek ahile, laithiangtho son bangma in, see sawm sua see khat sia a nungta pa in la hi.

Thupualaakna 1:18

Keima in a nungta pa ka hi hi! Keima sia ka thi zo a, ahihang tu in a tawntung a tawntungin, ka nungta hi. Thina le mithite khua ka uk hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.